Л.Лха-Очир түрүүллээ

Завхан аймгийн Тосонцэнгэл сумын харьяат Завхан аймгийн бөхчүүдийн барилдаан Монгол бөхийн өргөөнд боллоо. Барилдаанд улсын өсөх идэр начин Ш.Уламбаяр, Ж.Оргил нараар манлайлуулсан хүчит 64 бөх зодоглон барилдлаа. Бөхийн барилдааны нэгийн даваанд Их-Уул сумын харьяат с.з Э.Даваадорж а.н Т.Батбаярыг, Шилүүстэй харьяат с.з Д.Батбаатар а.н Э.Сумьяабазарыг, Тэлмэн сумын харьяат с.з М.Батмягмар а.н Б.Ганзолбоог, Тосонцэнгэл сумын харьяат с.з М.Амарсанаа а.н Т.Ганзаяаг тус тус өвдөг шороодуулсан бол Их-Уул с.з Д.Дэмиддорж Тосонцэнгэл с.з Б.Адарсүрэнгээр, мөн Их-Уул с.з С.Доёддорж Цагаанчулуут с.з Э.Доржсүрэнгээр тус тус давлаа.
Хоёрын даваанд с.з Д.Дэмиддорж а.а М.Баярсайханыг, Алдархаан с.з З.Хангалбаатар а.а П.Батмөнхийг, Их-Уул с.з Б.Чимэдвандан а.х Т.Бэгзсүрэнг орхисон бол Нөмрөгийн Ё.Улсболд а.а Ш.Пүрэвгарьдыг дагуулж хөмрөөд угсруулж гуд татаад тун сайхан давлаа. А.з Б.Бадамсүрэн Нөмрөг с.з Д.Бат-Эрдэнийг мордоод давсан бол аймгийн нэмэх начин П.Батсүх Яруу с.з П.Өсөхбаатарыг өвдөг шороодуулав.
Гурвын даваанд зүүн барууны магнай бөхчүүд учраагаа тахимдаж түрээд орхицгоов. Мөн у.н У.Балжинням с.з З.Хангалбаатарыг зүүн мордоод давлаа. Начны хувьд нэг, хоёрын давааны учраанууд ч бас амаргүй залуус байсан бөгөөд 40 гаруй насандаа залуустай ингэж барилдана гэдэг үнэхээр бахархам юм. У.н Л.Нямсүрэн с.з Ё.Улсболдыг хонгодоод дайрахад дагуулж муриад, а.а Д.Батжаргал аймгийн нэмэх начин О.Батжаргалыг тахимдаад, а.а Л.Лха-Очир с.з Б.Чимэдванданг дагуулж тойгдоод, а.з Б.Бадамсүрэн аймгийн нэмэх начин Б.Даваадоржийг наагаад, тунасан хоёрын барилдаанд аймгийн нэмэх начин П.Батсүх а.н Ч.Мөнхтогтохыг мордоод тус тус давлаа.
Дөрвийн даваанд Ш.Уламбаяр а.н П.Батсүхийг хутгахад а.н төдий эсэргүүцсэнгүй өвдөглөсөн бол а.з Б.Бадамсүрэн у.н Ж.Оргилыг давж шөвгөрөв. А.а Л.Лха-Очир у.н У.Балжиннямаар даваагаа ахиулж Л.Нямсүрэн начин а.а Д.Батжаргалд барьц сонгуулсан ч дагуулаад мушгичихав.
Тавын даваанд Ш.Уламбаяр начин Л.Нямсүрэн начныг амлаж шахаж татаад давсан бол тунасан хоёрын барилдаанд арслан нь давж үзүүрт үлдлээ.
Үзүүр булаалдах барилдаанд Л.Лха-Очир дагуулж хонгодоод давснаар бэлтгэл сургуулилт сайн байгаагаа харууллаа. Өчигдөр МБӨ-д болсон барилдаанд арслан их шөвөгт үлдсэн билээ.
Оноог гурвын даваанаас үзнэ үү.

Гурвын даваа
1. Ш.Уламбаяр у.ө.и.н – Д.Дэмиддорж с.з
2. Ж.Оргил у.ө.и.н – Ж.Сүхбат а.а
3. У.Балжинням у.н – З.Хангалбаатар с.з
4. Л.Нямсүрэн у.н – Ё.Улсболд с.з
5. Д.Батжаргал а.а – О.Батжаргал а.н.н
6. Л.Лха-Очир а.а – Б.Чимэдвандан с.з
7. Б.Бадамсүрэн а.з – Б.Даваадорж а.н.н
8. П.Батсүх а.н.н – Ч.Мөнхтогтох а.н

Дөрвийн даваа
1. Ш.Уламбаяр у.ө.и.н – П.Батсүх а.н.н
2. Ж.Оргил у.ө.и.н – Б.Бадамсүрэн а.з
3. У.Балжинням у.н – Л.Лха-Очир а.а
4. Л.Нямсүрэн у.н – Д.Батжаргал а.а

Тавын даваа
1. Ш.Уламбаяр у.ө.и.н – Л.Нямсүрэн у.н
2. Л.Лха-Очир а.а – Б.Бадамсүрэн а.з

Зургаагийн даваа
1. Ш.Уламбаяр у.ө.и.н – Л.Лха-Очир а.а

МУИС-ийн оюутан Т.Түмэндэмбэрэл