Хөвсгөл аймгийн МСУХ-ны тэргүүлэгчдийн хурлын тогтоол гарчээ

Хөвсгөл аймгийн “Дэлтэй цэнхэр” МСУХ-ны тэргүүлэгчдийн хурлын Хангайн бүсийн хурдан морины уралдаан, “Хотгойдын хурд” наадмыг зохион байгуулах тухай 2013 оны 12 дугаар сарын 18-ны өдрийн тогтоол гарчээ. Уг тогтоолд:
Монголын Морин спорт уяачдын холбооны дүрмийн 10.3, Хөвсгөл аймгийн “Дэлтэй цэнхэр” МСУХ-ны Тэргүүлэгчдийн хурлын шийдвэрийг үндэслэн ТОГТООХ НЬ:

1. “Дэлтэй цэнхэр” МСУХ-ны санаачилгаар Хөвсгөл аймгийн Мөрөн суманд 2007, 2010 онд Хангайн бүсийн хурдан морины уралдаан, “Хотгойдын хурд” наадмыг хоёр удаа амжилттай зохион байгуулаад байгаа билээ. Энэхүү бүсийн уралдааныг уламжлал болгон гурван жилд нэг удаа зохион байгуулж байхаар тогтсон боловч өнгөрч буй 2013 онд Монгол Улсад ууган дөрвөн аймгийн тэгш ойн баяр наадам давхацсан учир Засгийн газрын тогтоол гараагүй юм. Иймээс ирэх 2014 оны долдугаар сарын сүүлийн долоо хоногт “Хотгойдын хурд-3” наадмыг Хөвсгөл аймгийн Мөрөн суманд зохион байгуулахаар бэлтгэл ханган Монгол Улсын Засгийн газар, Монголын Морин спорт уяачдын холбоонд уламжлах.

2. Уг уралдааныг зохион байгуулахтай холбогдсон бэлтгэл ажлыг өндөр хэмжээнд хангах ажиллахыг нарийн бичгийн дарга /Т.Болдбаатар/-д үүрэг болгосугай гэжээ.