Булган аймгийн уяачдын холбоо 2013 оны шилдгүүдээ тодрууллаа

Булган аймгийн “Булганхангай” МСУХ нь Чансаа тогтоох зөвлөлийн үндэслэл, Тэргүүлэгчдийн хурлын шийдвэрээр оны шилдгүүдээ тодруулж, шинэ жилийн цэнгүүнээрээ шагнал гардуулдаг уламжлалтай. Өчигдөр буюу энэ сарын 16-нд тэд шилдгүүдээ тодруулсан байна.

2013 оны шилдэг уяачаар:
1. Сайхан сумын аймгийн Алдарт уяач Д.Эрдэнэбаатар
2. Баяннуур сумын уяач Ж.Бадам
3. Булган сумын уяач М.Батжаргал
4. Хутаг-Өндөр сумын уяач Э.Пүрэвлхам
5. Бүрэгхангай сумын аймгийн Алдарт уяач Б.Дэндэвдорж нар тодорлоо.

2013 оны чансаа өндөр азаргаар:

1. Аймгийнхаа баяр наадамд айргийн гурав ,“Илчит металл” ХХК-ийн 10 жилийн ой,  зуны бүсэд айргийн дөрөв,  Харцага Түвшинбаярын наадамд айргийн дөрвөөр хурдалсан аймгийн Алдарт уяач Д.Эрдэнэбаатарын  хүрэн азарга 10 оноогоор
2. Аймгийнхаа баяр наадамд айргийн дөрөв, “Бүрэгхангайн хурд” хаврын бүсийн уралдаанд айргийн дөрөв, “Булганхангай-2013” хаврын бүсийн уралдаанд айргийн тавд давхисан Баяннуур сумын уяач Ж.Бадамын хээр азарга 10 оноогоор
3. Булган аймгийн баяр наадамд аман хүзүүдэж, “Бүрэгхангайн хурд” хаврын  бүсийн уралдаанд айргийн тавд хурдалсан  Орхон сумын Алдарт уяач Б.Батсайханы саарал азарга 7 оноогоор
4. Хангал сумын Алдарт О.Эрдэнэсайханы “Булганхангай-2013” хаврын бүсийн уралдаанд түрүүлж, “Бишрэлт гүний хурд-2013” хаврын бүсийн уралдаанд аман хүзүүдсэн хүрэн азарга 7 оноогоор
5. Аймгийнхаа наадамд айргийн тавд хурдалсан Хутаг-Өндөр сумын Алдарт уяач Н.Эрхэмбаярын халиун азарга 4 оноогоор тус, тус эрэмбэлэгджээ.

2013 оны чансаа өндөр их насаар:
1. Аймгийнхаа баяр наадамд айргийн дөрөв, Бүрэгхангайн сумын 90 жилийн ойн баяр наадамд айргийн  дөрөвт хурдалсан Хишиг-Өндөр сумын Алдарт уяач Ж.Батмөнхийн Шагай халтар морь 7 оноогоор
2. “Булганхангай-2013” бүсийн наадамд аман хүзүүдэж, “Бишрэлт гүний хурд-2013” бүсийн уралдаанд айргийн  дөрөвт давхисан Орхон сумын Ц.Доржлхагвын хүрэн морь 6 оноогоор
3. Аймгийнхаа баяр наадамд түрүүлсэн Хангал сумын Алдарт уяач Ж.Мөнгөнхуягийн хээр морь 5 оноогоор
4. Баян-Агт сумын Алдарт уяач О.Хайдавын хээр морь аймгийнхаа баяр наадмаар аман хүзүүдсэн амжилтаараа 4 оноогоор
5. Аймгийнхаа баяр наадамд айргийн гуравт хурдалсан Баян-Агт сумын залуу уяач Б.Зоригтбаатарын саарал морь 4 оноогоор тус, тус тодорсон байна.

2013 оны шилдэг унаачаар:
1. Ч.Рэнцэнсамбуу /13 настай Булган сум, аймгийн бүсийн 2 түрүү, 2 айраг/
2. Э.Энхболд  /11 настай, Сайхан су, аймгийн бүсийн 3 айраг/
3. Л.Банзрагч /14 настай, Хангал сум, аймгийн бүсийн 1 түрүү, 3 айраг/
4. Ж.Алтанбагана, /13 настай,  Хишиг-Өндөр сум, аймгийн бүсийн 3 айраг/
:5. Ч.Дагийранз /13 настай, Баяннуур сум, аймгийн бүсийн 3 айраг/ нар шалгарав.