Дарханы өсвөрийн барилдаан

Монгол улсын 2013 оны үндэсний бөхийн өсвөр үеийнхний улсын аварга шалгаруулах “Бишрэлт” спорт клубын нэрэмжит анхдугаар тэмцээний заавар
Нэг. Үндсэн зорилго:
- Монгол улсын алдар цуут аварга, арслан, гарди, заан, харцага, начингуудын залгамж халаа залуу бөхчүүдийг бэлтгэн тодруулах
- Үндэсний бөхийн өв уламжлал, ёс жаягийг залуу бөхчүүдэд өвлүүлэн уламжлуулах
- Биеийн тамир, Спорт, Үндэсний наадмыг хөгжүүлэх, Бишрэлт спорт клубээс Монголдоо анх удаа дэлхийн жишиг их спортыг өсвөрийн тамирчдын тэмцээн зохион байгуулдаг /15 насны/ өсвөр бөхчүүдийн улсын аваргын тэмцээнийг АНХ УДАА санаачилан зохион байгуулж байна.
Хоёр. Тэмцээнийг зохион байгуулах журам:
            Тэмцээнд 1998 оны 1-р сарын 1-нээс 1998 оны 12-р сарын 31-ны хооронд төрсөн /15 настай/ бөхчүүд оролцоно. Жич: 16, 17, 18 насны бөхчүүдийн улсын аваргын тэмцээнийг МҮБХ зохион байгуулж байгаа 14 настай тамирчдыг тэмцээнд оролцуулахгүй болохыг мэдэгдье. Бөхчүүдийн тоог хязгаарлахгүй. Багаасаа хамгийн сайн барилдсан 2 бөхийн нийлбэр дүнгээр багийн дүнг гаргана.
Бүрдүүлэх материал:
- Төрсний гэрчилгээ
- Эрүүл мэндийн дэвтэр
- Цээж зураг 2%
Гурав. Тэмцээний хугацаа, зохион байгуулагдах газар
Тэмцээн 2013 оны 12-р сарын 13-15-ны өдрүүдэд Дархан-Уул аймгийн Спортын ордонд болно. Тэмцээний техникийн зөвөлгөөн 2013 оны 12-р сарын 13-ны 19 цагт болно.
Дөрөв. Шагнал урамшуулал
Тэмцээнд 1-3-р байруудад шалгарсан бөхчүүдэд алт, мөнгө, хүрэл медаль, өргөмжлөл, мөнгөн шагнал, Бишрэлт Спорт клубын нэрэмжит шагнал
4-10-р байруудад шалгарсан бөхчүүдэд өргөмжлөл, мөнгөн шагнал, Бишрэлт спорт клубын нэрэмжит шагнал
Багийн дүнгээр:
1-р байрт цом, өргөмжлөл мөнгөн шагнал
2-р байрт цом, өргөмжлөл, мөнгөн шагнал
3-р байрт цом, өргөмжлөл, мөнгөн шагнал
Тэмцээнийг санаачлагч: А.Ариунболд Капитал банкны гүйцэтгэх захирал
                                              Б.Ундармаа Бишрэлт ХХК-ний захирал
                                               Н.Батлав. Бишрэлт спорт клубын ажилтан
                                                                                                                                     Холбоо барих утас: 99377442
                                                                                                 ТЭМЦЭЭНИЙГ ЗОХИОН БАЙГУУЛАХ ХОРОО

Энэ барилдаанд барилдах хүүхдүүдээс 4-ийг онцлон дурдъя.
Энэхүү барилдаанд тэргүүн байрын төлөө яригдаж байгаа  Өвөрхангай аймгийн Нарийнтээл сумын харьяат, Улсын наадмын өсвөрийн хошой түрүүтэй, сумын заан Батжаргалын Лхагвадорж өсвөр үеийн жүдо бөхийн Ази тивийн аварга шалгаруулах барилдаанд бэлтгэж буй гэнэ. Тэмцээн давхацвал Дарханд зодоглож амжихгүй бололтой. Хэрвээ зодоглох аваас шонхор түрүүлэх биз ээ.
Мөн дараагийн дугаарт сайн үзэх хүн бол Хэнтийн Д.Ариунбаатар. Улсын наадмын их шөвөгт үлдэж байсан, мөн аймгийнхаа 90 жилийн ойн түрүү бөх энэ хүү бас дээгүүр үзэх болов уу.
Намрын өсвөрийн барилдаан түрүүлсэн Сүхбаатар аймгийн Онгон сумын харьяат Хилчин дэвжээний бөх Нямдоржийн Өсөхбаяр ч мөн эвгүй үзэх хүний нэг.
Аврагч спорт хорооны бөх, Завхан аймгийн Алдархаан сумын уугуул Ц.Нямдаваа өнөө жил Завхан аймгийнхаа ойн өсвөрт Нөмрөгийн сумын начин Ш.Галсандоржтой үлдэж түрүүлжээ. Бөхийн өргөөний өсвөрт ч эвгүй, үлдэцтэй барилдаан үзүүлдэг энэ хүү шилдэг өрсөлдөгчдийн нэг нь.

МУИС-ийн оюутан Т.Түмэндэмбэрэл