Орхон аймагт ардчилсан хувьсгалын ойн барилдаан боллоо

Барилдаанд а.а Д.Амарсайхан, Т.Чулуунгэрэл, Б.Уртбаяр нараар манлайлуулсан хүчит 56 бөх барилдав. Барилдааны гурвын даваанд а.а Амарсайхан с.з Одсүрэнг хонгодоод, а.а Б.Уртбаяр с.з Эрдэнэчулууныг араар нь хашиж мордоод, а.з Б.Гантөмөр а.а Д.Тайванбаатарын хүү с.з Бат-Ирээдүйг хонгодоод, а.з С.Эрдэнэсайхан а.н Б.Мөнхбаярыг барьц сонгож давсан бол а.н Д.Хишигдаваа с.з Түмэндэмбэрэлийг амлан авч с.з Ч.Мөнхбат с.з Чимэддорж нар тунан барилдсан байна.
Дөрвийн даваанд а.а Д.Амарсайхан гоц мөргөж, с.з Ч.Мөнхбат а.а Т.Чулуунгэрэлээс барьц сонгож, а.а Б.Уртбаяр а.н Д.Хишигдавааг орхисон бол, аймгийн заанууд сонгосон барьцнаас барилдаан шийдэгдэж С.Эрдэнэсайхан заан давжээ.
Тавын даваанд а.а Д.Амарсайхан с.з Мөнхбатыг амлан авч давсан бол тунасан хоёрын барилдаанд арслан барьц сонгож давсан байна.
Үзүүр булаалдах барилдаанд Завхан аймгийн Завханмандал сумын уугуул бөх, өнөө жилийн Орхон аймгийн түрүү бөх Батцэрэнгийн Уртбаяр 6 даван түрүүлж, Булган аймгийн Сэлэнгэ сумын харьяат, өнгөрсөн жилийн Булган аймгийн түрүү Дэлгэрсайханы Амарсайхан үзүүр булаалаа.
Оноог 3-ын даваанаас харна уу.
Гурвын даваа
1. Д.Амарсайхан а.а – Одсүрэн с.з
2. Т.Чулуунгэрэл а.а – Отгондаваа с.з
3. Б.Уртбаяр а.а – Эрдэнэчулуун с.з
4. Б.Гантөмөр а.з – Т.Бат-Ирээдүй с.з
5. С.Эрдэнэсайхан а.з – Б.Мөнхбаяр а.н
6. Д.Хишигдаваа а.н – Түмэндэмбэрэл с.з
7. Мөнхбат с.з – Чимэддорж  с.з
Дөрвийн даваа
1. Д.Амарсайхан а.а – гоцлов.
2. Т.Чулуунгэрэрл а.а – Мөнхбат с.з
3. Б.Уртбаяр а.а – Д.Хишигдаваа а.н
4. Б.Гантөмөр а.з – С.Эрдэнэсайхан а.з
Тавын даваа
1. Д.Амарсайхан а.а – Мөнхбат с.з
2. Б.Уртбаяр а.а – С.Эрдэнэсайхан а.з
Зургаагийн даваа
 1. Д.Амарсайхан а.а – Б.Уртбаяр а.а

МУИС-ийн оюутан Т.Түмэндэмбэрэл