Хэнтий аймагт сумын цолтнуудын барилдаан болно

А.Тэлмэн
2013 оны 12-р сарын 09 -нд

Даншгийн дархан аварга Раашийн Рэнцэний нэрэмжит Сумын цолтой бөхчүүдийн цомын төлөөх барилдаан
Барилдааны зорилго: Монгол улсын Засгийн газрын 150 дугаар тогтоолыг хэрэгжүүлэх, хөдөө орон нутагт үндэсний бөхийн спортыг хөгжүүлэх түгээн дэлгэрүүлэх, залуу бөхчүүдэд барилдааны арга барил ёс заншил, өв уламжлалыг өвлүүлэх зорилгоор уламжлал болгон зохиоход оршино.
Барилдаан хаана хэзээ, хэрхэн болох тухай: Барилдаан 2013 оны 12 дугаар сарын 13-15-ны өдрүүдэд Хэнтий аймгийн спорт цогцолборт болно.
Барилдаанд оролцох бөхчүүдийг 2013 оны 12 дугаар сарын 13-ны өдрийн 1300-1800 цагт Хан Хэнтий аварга дэвжээний байранд бүртгэж итгэмжлэх олгоно. Техникийн зөвлөгөөн 2013 оны 12 дугаар сарын 13-ны 1800 цагт Спорт цогцолборт болно.
Бүртгэх журам: Барилдах бөхчүүд иргэний үнэмлэх, сумын цолны үнэмлэх, 2% цээж зураг, барилдаанд оролцох эрхийн хураамж 10.000 төгрөгийг тус тус авч ирнэ. /тойргийн үнэмлэхийг тооцох бөгөөд сумын цолгүй болоод цолны үнэмлэхгүй бөхчүүдийг барилдуулахгүй болно./
Барилдааныг явуулах журам: Барилдааныг ССАЖГазар, ҮБХ, Хан Хэнтийн аварга дэвжээнээс томилогдсон шүүгчид хамтран зохион байгуулна.
Барилдааныг хэсэгт хуваан тойргийн журмаар явуулах ба бөхчүүд өөрсдийн зодог шуудаг бүрэн өмсгөлтэй байна.
Барилдаанд оролцох бөхчүүдийн байр, хоол унааны зардлыг тухайн байгууллага, хувь хүн өөрөө хариуцна.
Шагнал:
1. Тэргүүн байр, цом, өргөмжлөл, 300.000 төгрөг
2. Дэд байр, цом, өргөмжлөл, 250.000 төгрөг
3. Гутгаар байр, цом, өргөмжлөл, 200.000 төгрөг
4. Дөрөвдүгээр байр, өргөмжлөл, 150.000
5. Тавдугаар байр, өргөмжлөл, 140.000
6. Зургадугаар байр, өргөмжлөл, 130.000
7. Долдугаар байр, өргөмжлөл, 125.000
8. Наймдугаар байр, өргөмжлөл, 120.000
9. Есдүгээр байр, өргөмжлөл, 100.000

МУИС-ийн оюутан Т.Түмэндэмбэрэл


 

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна