Монгол Хэл Соёлын Сургуулийнхан аваргаа шалгарууллаа
Монгол Улсын Их Сургуулийн Монгол Хэл Соёлын Сургуулийн Эх бичиг-Алтай судлалын тэнхимийн дэргэдэх Монгол бичиг соёлын “Хос Уянга” нэгдэл, МХСС-ийн “Оюутны зөвлөл” хамтран “Монгол Хэл Соёлын Сургуулийн аварга шалгаруулах үндэсний бөхийн барилдаан”-ыг амжилттай сайхан зохион байгууллаа. Өнгөрсөн жил мөн зохион байгуулсан бөгөөд энэ удаад бүх түвшний суралцагсдыг хамран зохиосноороо илүү онцлог байлаа.
Барилдаанд МХСС-ийн доктарант М.Энхбаатар, С.Чулуунпүрэв, магистр У.Бямбаням, оюутан Б.Лхагважав, Т.Батбаяр, Г.Нямбалдан, С.Равжиртогтох,Б.Жамбалсанжид, Ч.Хүсэлбаяр, Г.Батмөнх, Б.Самбуу, Л.Гүндсамбуу, О.Түвшинтөгс, У.Жамбалнагва, У.Баярсайхан, Б.Төвдэлгэр, Л.Рэнцэн-Очир, Б.Нямаа нарын 18 залуу оролцон барилдсан бөгөөд бүх бөхчүүдийг тойргоор барилдуулж аваргаа тодруулсан юм.
17 тойргийн дараа өвдөг шороодолгүй 17 давсан Сүхбаатар аймгийн Мөнххаан сумын харьяат, УЗ-ын магистр Уртнасангийн Бямбаням түрүү бөхөөр тодорлоо. У.Бямбанямын хувьд сурагч ахуй цагаасаа үндэсний бөхөөр хичээллэж, ААШТ-ий хошой мөнгөн медаль хүртэж УАШТ-д ч оролцож байсан туршлагатай бөх юм.
Завхан аймгийн Дөрвөлжин сумын харьяат, Ардын Урлаг судлалын 4 дүгээр ангийн оюутан Сүхбатын Равжиртогтох 16 давж ганцхан түрүү бөхөд шороодсоноор үзүүрлэв. Өнгөрсөн жил гутгаар байр эзэлж байсан бол өнөө жил байраа ахиулж үзүүрлэлээ.
Өвөрхангай аймгийн Баян-Өндөр сумын харьяат, УЗ-ын доктарант Содномын Чулуунпүрэв Бусдын мэхийг хариулж үлдэцтэй барилдсаар 14 даваа авч гутгаар байр буюу их шөвөгт шалгарав.
Өсвөр багаасаа үндэсний бөх болоод чөлөөт бөхөөр хичээллэсэн Өвөрхангай аймгийн Баянгол сумын харьяат, Монгол Хэл Уран Зохиолын Багшийн 4 дүгээр ангийн оюутан Ганбадрахын Нямбалдан өмсөх, тавхайлдах, дагуулж сууж гуядах, этэх хөлд орж дэрлэж дарах мэхүүдээ угсруулан хийж үзэгч олныг шуугиулсаар 13 давж дөтгөөр байрыг эзлэв. Тэрээр өнгөрсөн жил мөн их шөвөгт шалгарсан билээ.
Тавдугаар байрт 11 даваа авсан Увс аймгийн Бөхмөрөн сумын харьяат, Утга Зохиолын Ажилтаны 4 дүгээр ангийн оюутан Түмэндэмбэрэлийн Батбаяр шалгарав. Өнгөрсөн жил мөн л тавдугаар байр эзэлсэн Батбаярын хувьд тун ч бяралхаж барилддаг бөгөөд дээгүүр байр эзэлсэн бөхчүүдийг өвдөг шороодуулсан ч хайнга барилдсанаасаа болж цөөнгүй унаж ийн байр ухарлаа.
Зургадугаар байрт Хөвсгөл аймгийн Шинэ-Идэр сумын харьяат, УЗ-ын доктарант Мижиддоржийн Энхбаатар мөн 11 даваагаар шалгарав. Аргагүй ах хүний буурь зааж залуу дүү нарынхаа барьцыг хангалттай бариулсан ч шийдсэн мэхээ даалгаж хийн давж байсан бөгөөд түрүү бөхийг ч мөн хазайлгаж байв.
Долоодугаар байрт Завхан аймгийн Баянхайрхан сумын харьяат, Эх бичиг судлалын 4 дүгээр ангийн оюутан Батжаргалын Лхагважав шалгарав. Гиннесийн номын барилдаанд аймгийн начныг шороодуулж нэг давж байсан, өнөө жилийн улсын наадамд өсөх идэр начин Ш.Жаргалсайханы аманд гарч барилдсан, наадам наадмын “дош үзсэн” энэ залуу өнгөрсөн жил уран гараа дэвээтэй бөхөөр шалгарсан бол өнөө жил нэлээн хэдэн учраагаа дагуулж мушгиж тонгорох мэхээр давснаар “Уран мэхт” бөхөөр тодорлоо.
Наймдугаар байрт Өвөрхангай аймгийн Бат-Өлзий сумын харьяат Монгол Хэл Уран Зохиолын 3 дугаар ангийн оюутан Базарбандийн Жамбалсанжид үлдэцтэй барилдаан үзүүлсээр шалгарлаа.
Адил 8 давсан бөгөөд биесээ тойрч давсан гурван бөх 9-11 дүгээр байрыг эзлэв.
Хөвсгөл аймгийн Цагаан-Уул сумын харьяат, Монгол хэл Уран Зохиолын Багшийн 2 дугаар ангийн оюутан Уртнасангийн Баярсайхан арал чацаар илүүрэхсээр, Увс аймгийн Наранбулаг сумын харьяат Эх бичиг судлалын 1 дүгээр ангийн оюутан, бөхийн хийц галбир сайхантай Балдандоржийн Төвдэлгэр бусдын мэхийг дагуулж хавирч, мордсоор, Төв аймгийн Баянцагаан сумын харьяат, Монгол Хэл Уран Зохиолын 1-ийн б бүлгийн оюутан Лайжинхадын Рэнцэн-Очир уран дэвж, удаж төдөлгүй барилдсаар тус бүр 8 даваа авлаа. Рэнцэн-Очир “Уран гараа дэвээтэй” бөхөөр шалгарсан билээ.
Хөвсгөл аймгийн Рашаант сумын харьяат, Монгол Хэл Уран Зохиолын 3 дугаар ангийн оюутан Чингисийн Хүсэлбаяр цээж шуундаа асар их бяртайгаа илтгэж 7 давахдаа бүгдийг хонгодож цацах, шахаж татах мэхээр давав. Мөн тэрээр 4 дүгээр байр эзэлсэн Г.Нямбалдангийн уран мэхийг хариулж өвдөг шороодуулсан юм.
13 дугаарт Архангай аймгийн Хотонт сумын харьяат, Монгол Хэл Уран Зохиолын Багшийн 3 дугаар ангийн оюутан Удвалцэцэгийн Жамбалнагва шалгарлаа. Хэт яарч барилдаад өвдөг шороодоогүй бол түүнийг нуруу, шуундаа их бяртайг өрсөлдөгчид нь ярьж байлаа.
14 дүгээр байранд Төв аймгийн Бүрэн сумын харьяат, Монгол хэл Уран Зохиолын 3 дугаар ангийн оюутан Ганболдын Батмөнх оров. Хийгүй нягт, тэвчээртэй барилдаантай тэрээр учраа бөхөөсөө өрсөж мэх хийж давамгайлж барилдсан бол илүү олон даваа авах байсан болов уу. Гэсэн хэдий ч түүний баруун хавираа ямар даацтайг түрүү бөх болоод уран барилдаант Б.Нямаа нартай барилдсан барилдаан харуулсан юм.
15 дугаар байранд Завхан аймгийн Шилүүстэй сумын харьяат, Утга зохиолын ажилтаны 3 дугаар ангийн оюутан Баярсайханы Самбуу шалгарлаа. Арал чац, бяр тэнхээ тэнцүүхэн боловч барилдах эвээ төдий олохгүй байсан энэ залуу ирэх хаврын барилдаанд дөмөг үзэх биз ээ.
Энэ барилдаанд барилдсан бөхчүүдээсээ хамгийн бие жижигтэй боловч маш уран барилдаан үзүүлж байсан Дархан-Уул аймгийн Дархан сумын харьяат, Монгол Хэл Уран Зохиолын 1-ийн в бүлгийн Баатарцогтын Нямаа, Төв аймгийн Бүрэн сумын харьяат Утга зохиолын ажилтаны 3 дугаар ангийн оюутан Лхагважавын Гүндсамбуу, Хэнтий аймгийн Өмнөдэлгэр сумын харьяат, Монгол Хэл Уран Зохиолын Багшийн 2 дугаар ангийн оюутан Отгонбаярын Түвшинтөгс нар удаах байруудыг эзэллээ.
Ийнхүү Монгол соёлын маань дундаршгүй арвин далайн нэгэн ундарга болсон Монгол бөхөөрөө барилдаж, хөгжөөн дэмжиж хамтдаа нэгэн оройг сайхан өнгөрөөлөө.
Барилдааны түрүү бөх босоо монгол бичгээр бичсэн өргөмжлөл, алтан медаль, 50.000 төгрөг, номын дээж, дурсгалын зүйлээр мялаалгасан бол үзүүр бөх мөн өргөмжлөл, мөнгөн медаль, 30.000 төгрөг, номын дээж, дурсгалын зүйл, их шөвгийн бөхчүүд мөн өргөмжлөл, хүрэл медөль, 20.000 төгрөг, номын дээж, дурсгалын зүйл, уран мэхт болоод уран гараа дэвээтэй бөхөөр шалгарсан бөхчүүд өргөмжлөл, 15.000 төгрөг, номын дээж гардлаа. Мөн барилдаанд оролцсон бүх залуустаа номын дээж дурсгалын зүйл хадгалууллаа.
Энэ барилдааныг зохион байгуулахад гүн туслалцаа үзүүлсэн Монгол Хэл Соёлын Сургуулийн Оюутны Зөвлөлийнхөндөө, тэр дундаа оюутны зөвлөлийн дарга А.Одмаа, оюутны зөвлөлийн гишүүд болох Б.Мандухай, А.Цэнд-Аюуш, Б.Бат-Эрдэнэ, Б.Мөнхзаяа, А.Банзрагч, Е.Мягмарсүрэн, барилдааныг маань сэтгэлээрээ дэмжиж тусалсан Эх бичиг судлалын магистр Э.Эрдэнэзуу, Ё.Мөнхбат, Эх бичиг судлалын 4 дүгээр ангийн оюутан А.Мөнхсамбуу, Монгол Хэл Уран Зохиолын 2 дугаар ангийн оюутан М.Батбаяр, ГХСС-ийн Түрэг судлалын 4 дүгээр ангийн оюутан Т.Загарпэрэнлэй нартаа ихийн ихээр талархаж буйгаа уламжилъя.
Монгол бөхийн босоо цагаан хийморь өнө мөнх ивээх болтугай.
МУИС-ийн оюутан Т.Түмэндэмбэрэл
0 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
- 2024 оны 4-р сарын 15 -нд Уяач Ц.Батсайхан: Гэсэрваань гуай тарган ирэн дээр…
- 2024 оны 3-р сарын 27 -нд Богд хан уулын аймаг байгуулагдсаны 100 жилийн ой,…
- 2024 оны 3-р сарын 27 -нд МУ-ын Тод манлай уяач Б.Далай: Уяачийн амжилтанд г…
- 2024 оны 3-р сарын 19 -нд Архангай аймгийн 100 жилийн ой, хангайн бүсийн ура…
- 2024 оны 3-р сарын 19 -нд 2023 оны ММСУХ-ны чансаа өндөр уяачид
- 2024 оны 3-р сарын 05 -нд 2023 ОНЫ 21 АЙМГИЙН ШИЛДЭГ УЯАЧ, УРАЛДААНЧ ХҮҮХДҮҮ…
- 2024 оны 3-р сарын 05 -нд Аймгийн Алдарт уяач Ш.Мөнхбаатар:Ах дүү дөрвүүл аа…
- 2024 оны 3-р сарын 05 -нд 2023 ОНЫ ММСУХ-НЫ 21 АЙМГИЙН ШИЛДЭГ САЛБАР ХОЛБОО,…
- 2024 оны 3-р сарын 05 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 27 -нд Манлай уяач Ч.Сугар: Алаг морийг харсан хүн болгон…
- 2024 оны 2-р сарын 27 -нд 2022 оны чансаа өндөр сонгомол дээд насны хүлгүүд
- 2024 оны 2-р сарын 26 -нд Н.Билэгтсайхан 66 оноогоор 2022 оны чансаа өндөр у…
- 2024 оны 2-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 2-р сарын 26 -нд МОНГОЛ УЛСЫН 2022 ОНЫ ӨНДӨР ЧАНСААТАЙ ИХ НАСНЫ МОР…
- 2024 оны 2-р сарын 26 -нд О.Батбилэг 73 оноогоор 2022 оны чансаа өндөр уяачд…
- 2024 оны 2-р сарын 26 -нд МУ-ын Алдарт уяач Г.Болдбаатар:Наадмын маргаашнаас…
- 2024 оны 2-р сарын 22 -нд 2022 оны чансаа өндөр азарганууд
- 2024 оны 2-р сарын 22 -нд 2022 оны МУ-ын шилдэг уяач, уралдаанч хүүхдүүд
- 2024 оны 2-р сарын 21 -нд ММСУХ-ны 2022 оны шилдгүүд шагналаа авлаа
- 2024 оны 2-р сарын 21 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 20 -нд Уяач Б.Батжаргал: Сүүлд цоохор даага даяндуулсан
- 2024 оны 2-р сарын 19 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 14 -нд Цолоо ахиулсан уяачид
- 2024 оны 2-р сарын 07 -нд Нийслэлийн Алдарт уяач цолоор 28 хүн шагнагджээ
- 2024 оны 2-р сарын 07 -нд Дөрвөн Тод, дөрвөн Манлай, 18 Алдарт уяач цол авах…
- 2024 оны 2-р сарын 07 -нд Сумын Алдарт уяач Н.ДУГАРЖАВ: БИ ДӨРӨВДҮГЭЭР АНГИА…
- 2024 оны 2-р сарын 05 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 05 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 27 -нд Сумын Алдарт уяач Д.Батбаяр: Би Биндэрт анх адуу т…
- 2024 оны 1-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 25 -нд Архангай аймгийн 100 жилийн ой, хангайн бүсийн ура…
- 2024 оны 1-р сарын 24 -нд СУМЫН АЛДАРТ УЯАЧ А.Цэрэндорж: ЗААМАРТ ДАЛАЙ ЛАМЫГ…
- 2024 оны 1-р сарын 22 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 21 -нд Аймгийн Алдарт уяач Б.Баттөр: Таван жилийн дотор с…
- 2024 оны 1-р сарын 18 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 15 -нд Аймгийн Алдарт уяач Ц.Жамсран: Өөрийн тамгатай уна…
- 2024 оны 1-р сарын 15 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 11 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 10 -нд Аймгийн Алдарт уяач М.Мөнхбаяр: Адууны төлөө уйгаг…
- 2024 оны 1-р сарын 10 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 08 -нд Сумын Алдарт уяач Ц.ГЭРЭЛБААТАР: Сайн адууны удам …
- 2024 оны 1-р сарын 08 -нд Завхан аймгийн 100 жилийн ой, баруун бүсийн урал…
- 2024 оны 1-р сарын 03 -нд Хамгийн шимт тэжээлийг мэдэх үү?
- 2024 оны 1-р сарын 02 -нд М.Энхтайван: Хүн хэдий чинээ сэтгэлээ өгнө, адуу т…
- 2023 оны 12-р сарын 27 -нд Хэнтий аймгийн 100 жилийн ой, зүүн бүсийн уралдаан…
- 2023 оны 12-р сарын 25 -нд Баахан хэрэг тарих Баяндэлгэрийн буурал
- 2023 оны 12-р сарын 23 -нд Нийслэлийн Алдарт Уяач цолны болзол хангасан уяачд…
- 2023 оны 12-р сарын 22 -нд Аймгийн Алдарт уяач Г.Энхбаатар: Аавынхаа уяаны ар…
- 2023 оны 12-р сарын 17 -нд Хэнтий аймгийн 100 жилийн ой, зүүн бүсийн уралдаан…
- 2023 оны 10-р сарын 29 -нд Сумын Алдарт уяач Л.Батноров: Азарганы түрүүгээр а…
Сэтгэгдэл бичигдээгүй байна