“Монгол уяач-3000” зөвлөгөөн Баянхонгорт аймагт боллоо

ММСУХ салбар холбоодоо сонсох аяны хүрээнд “Монгол уяач-3000” уулзалт зөвлөгөөнийг зохион байгуулж буй. Энэ удаагийн зөвлөгөөн Баянхонгорт аймагт боллоо. Уулзалт зөвлөгөөнд ММСУХ-ны Ерөнхий нарийн бичгийн дарга П.Сэргэлэн, тэргүүлэгч Тод манлай уяач Ц.Дуламсүрэн, аймгийн Алдарт уяач Ц.Мөнхбаясгалан, аймгийн Алдар уяач  Ц.Баянжаргал, 2012 оны шилдэг уяач, аймгийн Алдарт уяач  Т.Ихбаяр, дэлхийн дээд амжилтанд бүртгүүлэх  4249 морины уралдаанд хонгор халзан морио түрүүлгэсэн Ц.Энхтайван нарын хүндэт зочид хүрэлцэн очжээ.
12-р сарын 1-ний ням гарагт Баянхонгор аймгийн “Тэмүүжин” театрт болсон уг зөвлөлгөөнд тус аймгийн 19 сумын 300 гаруй уяач оролцсон бөгөөд ММСУХ-ны Ерөнхий нарийн бичгийн дарга П.Сэргэлэн нээж үг хэлэн холбооны Ерөнхийлөгч М.Энхболын мэндчилгээг уншиж танилцуулсан юм. Харин түүний дараа Баянхонгор аймгийн “Хонгорын хурд” МСУХ-ны тэргүүн Д.Мөнх-Эрдэнэ холбооныхоо үйл ажиллагааны талаар болон хийж, хэрэгжүүлсэн ажлынхаа талаар товч танилцуулга хийж, ММСУХ-ны Ерөнхий нарийн бичгийн дарга П.Сэргэлэнгээс батламжаа гардаж авсан. Түүнчлэн ММСУХ-ны зүгээс Галуут сумын уугуул, аймгийн Алдарт уяач  Г.Ваша, Баян-Өндөр сумын уугуул, аймгийн Алдарт уяач С.Баярмагнай, Баян-Овоо сумын уугуул, аймгийн Алдарт уяач Г.Сономбал, Заг сумын уугуул, аймгийн Алдарт уяач Л.Бямбажав, Өлзийт сумын уугуул, аймгийн Алдарт уяач С.Цэнд   нарт Хүндэт өргөмжлөл гардуулж, морь уях их хэрэгт нь өндөр амжилт хүслээ. Зөвлөгөөний төгсгөлд уяачид Тод манлай уяач Ц.Дуламсүрэн, Т.Ихбаяр нараас уяаны арга барилын талаар сонирхсон асуултдаа хариулт авсан юм.

У.Энхмаа