Орооны үед нь гүүг хээлтүүлэх цаг

Гүүний орооны хугацаа дуусах дөхөхөд өндгөн эс гадагшилж таардаг. Өндгөн эс фолликулаас гарсанаасаа хойш төдийлөн удахгүй /барагцаалбал 5-6 цагийн дараа/ үр бүрэлдүүлэх чадвараа алддаг байна. Иймээс гүүний өндгөн эсийг нь гадагшлахаас өмнө гэхдээ 36-48 цагаас хэтрүүлэхгүйгээр хээлтүүлэгт оруулах хэрэгтэй. Тэгвэл сперматозоид нь өндгөн эстэй “таартлаа” үр бүрэлдүүлэх чадвараа алдахгүй юм. Харин өндгөн эс гадагшлахаас эрт /48 цагаас өмнө/ хээлтүүлэгт оруулах нь ямар ч үр дүн өгөхгүй. Энд нэмж тэмдэглэхэд гүүний өндгөн эс гадагшлах цагийг урьдчилан мэдэх боломжтой. Гүүг тусгай хашаанд юмуу хээлтүүлгийн тоногоор чөдөрлөж хөдөлгөөнгүй болгож байгаа шулуун гэдсээр нь шинжилдэг юм.

А.Дөл