“Хонгорын хурд”-ын шилдгүүд ирэх сарын 1-нд тодорно

Шинэ он айсуй. Тэгвэл шинэ жилий баяр ойртох тусам айл гэр, алба, хамт олон улиран одож буй жилд юу хийснээ дүгнэж, ирэх жилийнхээ өнгийг тодорхойлдог билээ. Үүний жишгээр 21 аймгийн хурдан морины уяа сойлго тааруулдаг хийморилог эрчүүд ч ололт амжилтаа дүгнэн,шилдгүүдээ тодруулж урамшуулдаг нь илүү их урам зоригийг нэмдэг юм. Тэгвэл энэхүү баярын салхийг хонгор нутгийн уяачид эхлүүлэх нь бололтой. Жил бүрийн эцэст Баянхонгор аймгийн “Хонгорын хурд” МСУХ тухайн оныхоо амжилт бүтээлийг дүгнэн, ирэх жилийнхээ зорилтыг дэвшүүлэхээр “халуун бүл”-ээрээ цугладаг уламжлалтай. Тэд арванхоёрдугаар сарын 1-нд уяачдын шинэ жилийн цэнгүүнээ хийхээр товлон, уяачдадаа зар тараагаад байгаа гэнэ. Ямартаа ч энэ онд хэн амжилтаараа шилдгүүдийн эгнээнд зогсохыг харах л үлдлээ.

А.Дөл