Воронежийн хөллөгөөний үүлдэр

Өнгөрсөн зууны 80-аад оны үед Воронежийн Битюг голын дагуу нутагт тариачдын үржүүлж байсан тээвэрт ашиглагддаг том биетэй битюг гэдэг адуу Оросод нэлээн тархсан байжээ. Гэвч хожмоо гадаадаас хүнд ачааны үүлдрийн адуу авчирч битюг адуутай эрлийзжүүлэх болсон учраас цэвэр энэ төрлийн адуу байхгүй болсон. Мөн хувьсгалаас өмнөх оросын адуу үржүүлэх байгууллагаас  битюг адууг төдийлөн анхааралгүй орхисон нь устаж үгүй болохын бас нэг шалтгаан байлаа. Одоо энэ үүлдэр нь бага зэрэг өөрчлөгдөн воронежийн хөллөгөөний үүлдэр нэрээр олонд танигдах болжээ. Орловын хатирч, оросын хүнд ачааны үүлдрийн эрлийз адууг эрлийзжүүлгийн замаар үржүүлэн воронежийн хөллөгөөний үүлдрийг гаргаж авсан байна. Тухайн үедээ воронежийн хөллөгөөний үүлдрийн адуу үржүүлэх улсын үржлийн сан байгуулагдаж энэхүү ажлыг дагнан явуулдаг байжээ.
Воронежийн хөллөгөөний үүлдэр бол хөдөө аж ахуйн тээврийн адуу болохын хувьд маш үнэтэй адуунд  тооцогддог. 

А.Дөл

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна