Хөөрхөн зээрдийн хос айраг

Өнгөрсөн жилийн төрийн наадмын түрүү магнай, Говь-Алтай аймгийн Жаргалант сумын уугуул, аймгийн Алдарт уяач А.Ариунсайханы Хөөрхөн зээрд соёолон өнөө жил эрлийз дээд насны ангилалд айргийн гуравт хурдалж, давхар уяагаар Завхан аймгийн 90 жилийн ой, баруун бүсийн наадамд аман хүзүүнд хурдаллаа.
Могой жилийн өнгө тольдох “Дүнжингаравын хурд-2013” хаврын бүсийн уралдаанд хараахан айрагдаж чадаагүй /зургаад/зээрд үрээний эцэг нь  “Макс”-ын хэмээх ах дүү Тод манлайгуудын бэлэглэсэн Араб хээр азарга бол эх нь мөн л удамтай адуу байдаг гэдэг.

Дааган цагаас эхлэн уягдаж, уралдаан болгондоо амжилт үзүүлж буй Хөөрхөн зээрдийн амжилтаас хуваалцвал:

 2010 онд  даагандаа Говь-Алтай аймгийн 70 жилийн ой баруун бүсийн  наадамд айргийн гурав

 2012 онд хязааландаа АХ-ын 91 жилийн ой, эрлийз дунд насны ангилалд түрүү

 2012 онд хязааландаа  Да лам Цэрэнчимэдийн мэлмий гийсний 140 жилийн ой, төвийн бүсийн уралдаанд Да лам Цэрэнчимэдийн мэлмий гийсний 140 жилийн ой, төвийн бүсийн уралдаанд түрүү

 2013 онд соёолондоо АХ-ын 92 жилийн ой, эрлийз дээд насны ангилалд  айргийн гурав

 2013 онд соёолондоо Завхан аймгийн 90 жилийн ой, баруун бүсийн наадамд аман хүзүүнд тус тус хурдалжээ.
 Хөөрхөн зээрдийн амжилтаар эзэн нь могой жилийн босгон дээр аймгийн Алдарт уяач цолыг хүртсэн юм.

А.Мөнх