Аваргуудын нэрэмжит барилдаанд улсын начин Б.Пүрэвсайхан түрүүллээ

МУ-ын аваргуудын нэрэмжит үндэсний бөхийн чуулга тойргийн барилдаан Увс аймагт 2013 оны 11-р сарын 08-10-ны хооронд амжиллтай болж өнөөдөр дүнгээ гаргалаа. Уг барилдаан нь жил болгон зохион байгууллагддаг бөгөөд энэхүү барилдаан нь тухайн аймагтаа хүчинтэй аймгийн цол олгодгоороо онцлогтой барилдаан юм.
Энэ жилийн барилдаанд Ховд аймгийн Чандмань сумын харъяат Улсын начин Б.Пүрэвсайхан 31 даваагаар түрүүлсэн бол, мөн Ховд аймгийн Чандмань сумын харъяат Улсын начин Н.Батзаяа 29 даваагаар 2-р байр, ОХУ-ын Тува улсын бөх Т.Сайнбилэк 28 даваагаар 3-р байр, Увс аймгийн Тэс сумын харъяат ШУТИС-ийн оюутан, сумын заан Б.Мөнхбаяр 25 даваагаар 4-р байр, Увс аймгийн Баруунтуруун сумын харъяат БХИС-ийн оюутан сумын заан О.Түмэн 21 даваагаар 5-р байр, Увс аймгийн харъяат аймгийн начин А.Сайнбуян 21 даваагаар 6-р байр, Увс аймгийн Тэс сумын харъяат, Алдартан дэвжээний дасгалжуулагч  с.з Х.Баярнэмэх 21 даваагаар 7-р байр, Увс аймгийн Өндөрхангай сумын харьяат с.з Б.Балжинням 20 даваагаар 8-р байр, Увс аймгийн Тэс сумын харьяат Шонхор дээд сургуулийн оюутан с.з Д.Батмөнх 19 даваагаар 9-р байр тус тус эзэлсэн байна.
МУ-ын аваргуудын нэрэмжит үндэсний бөхийн тойргийн барилдаанд амжилттай барилдсан Т.Сайнбилэг, Б.Мөнхбаяр нарт “аймгийн заан” цол, О.Түмэн, А.Сайнбуян, Б.Балжинням, Х.Баярнэмэх нарт “аймгийн харцага” цол, Тэсийн Д.Батмөнх, Баруунтурууны Э.Гансүх, Наранбулагийн Б.Баянмөнх, Тэсийн О.Баярцогт, Зүүнговийн Т.Сүхбаяр, Өмнөговийн Б.Алтангэрэл нарт “аймгийн начин” цол тус тус олгожээ.
 

МУИС-ийн оюутан Т.Түмэндэмбэрэл