Дарханчууд түмэн морьтны жагсаалд

Морьтон монгол түмний хийморийг сэргээж, омогшлыг дэврээсэн  “Түмэн морьтон” парад жагсаалд оролцогчдыг  “Тод магнай” сайт цувралаар танилцуулж байгаа билээ. Энэ удаа та бүхэндээ Дархан-Уул аймгийн морьтнуудыг танилцуулахаар бэлтгэлээ.
Дэлхийн дээд амжилтанд бүртгүүлэх түмэн морьтны жагсаал, 4249 морины уралдаанд тус аймгаас нийт 100 гаруй хүн оролцсон бөгөөд  аймгийн Засаг даргын тамгын газар, “Дархан ажнай” МСУХ хамтран уг үйл ажиллагаанд бэлтгэх ажлын хэсгийг байгуулсан байна. Аймгийн  орон нутгийн өмчийн албаны дарга Д.Батсүхээр ахлуулсан ажлын хэсэгт  МСУХ-ны тэргүүлэгч Д.Баярсайхан, Ч.Угтахбаяр, Засаг даргын тамгын газрын хэвлэл мэдээллийн албаны дарга Д.Мөнхбаяр, цагдаагийн дэслэгч Батбаяр, дэд ахлагч Цогбадрах, аймгийн хүүхэд гэр бүлийн хэлтсийн мэргэжилтэн Ж.Цэцэгмаа, Ж.Эрдэнэчимэг болон  “Залуучууд” театрын дуучид ,уяачид, унаач хүүхдүүд багтсан байсан гэнэ.
“Түмэн морьтон” жагсаалд Дархан-Уул аймгийн дөрвөн сумдын төлөөлөл 85 үндэсний хувцастай морьтонгууд жагссан бол 4249 морины уралдааны хангайн бүсэд 76 хурдан хүлэг тоосоо өргөн, Дархан сумын харьяат, аймгийн Алдарт уяач Жалцавын Лхагвасүрэнгийн сартай хүрэн морь  айргийн тавд хурдалсан билээ.

Мэдээллийг: "Дархан ажнай" МСУХ-ны тэргүүлэгч Д.Баярсайхан
А.Мөнх