Хурга хонгор

Хутагтын орноос төрсөн гавьяатуудын нэг нь Эрдэнэмандал сумын уугуул, Аж үйлдвэрийн Гавьяат ажилтан  Намжилцэрэнгийн Даш-Өлзий юм. Үндэсний спортоо дээдлэн дэмжигч эрхэм өнөө жил төрийн наадмын хоёр дахь айргаа амсаж, Хурга хонгор үрээгээ айргийн гуравт хурдлууллаа.
Хонгор үрээний эцэг нь Од хул хэмээх хурдан хүлэг байдаг бол эх нь Англи гүү бий аж. Хаврын өндөр бооцоот уралдаанд аман хүзүүнд хурдалсан Хурга хонгор төрийнхөө их баяр цэнгэлд айргийн гуравт хурдлаад, давхар уяагаар Завхан аймгийн 90 жилийн ой баруун бүсийн наадамд түрүүлсэн билээ.
АХ-ын 90 жилийн ойгоор зээрд даагаа тавлуулж байсан Н.Даш-Өлзий Гавьяат төрсөн нутгийнхаа ойд эрлийз цэгээн даагаа мөн түрүүлгэн шинэ цагийн монгол адуу тэр дундаа бага адуугаар амжилттай наадаж буй гэдгээ батлан харууллаа. Улсын наадмаас хоёр айрагтай тэрээр бүсийн наадмаас хоёр түрүү, хоёр аман хүзүү, дөрвөн айрагтай гэсэн шүү.

А.Мөнх