Нэг ангийнхан эхний байруудыг эзэллээ

Аравдугаар сарын 25 буюу өнгөрөгч  Баасан гарагт Аварга биеийн тамирын дээд сургуулийн аварга шалгаруулах барилдаан боллоо. Улсын шинэ харцага Энхтөгсийн Оюунболд, Сүхбаатар аймгийн шинэ заан Болор-Эрдэнийн Номиндалай, Ховд аймгийн харцага Энхболдын Эрдэнэбаяр нараар манлайлуулсан хүчит 190 орчим бөх барилдлаа.
Говьсүмбэр аймгийн шинэхэн заан Бат-Очирын Гончигтавхай Өвөрхангай аймгийн Хархорин сумын харьяат Ю.Отгонд гурвын даваанд өвдөг шороодсон бол сургуулийнхаа барилдаанд бол бас ч гайгүй үзэх магадлалтай Хэнтий а.н Даваасүрэнгийн Аззаяа Баянхонгор аймгийн Баянлиг сумын заан Болдбаатарын Даваасүрэнд, Булган аймгийн Орхон сумын заан Энхбатын Сумьяабат Архангайн Хашаатын Санийдагвын Түвшинжаргалд, Өмнөговийн Баяндалайн Төрмөнхийн Төгсдөлгөөн Архангайн Эрдэнэмандалын Дашчойнхорын Эрдэнэцогтод, Завханы Дэмбэрэлдоржийн Хандсүрэн Хотонтын Лхамсүрэнгийн Жамбалд  тус тус оноолтын даваанд өвдөг шороодсон байна. Мөн Ховд аймгийн Буянт сумын заан Батдоржийн Сосорбарам Дундговийн Дэрэнгийн Санжаагийн Дашдондовт унасан байна.
Тавын даваанд ОБ Дашдондовыг, Номио Даваасүрэнг, Эрдэнэбаяр Эрдэнэцогтыг амлан барилдаж даваагаа ахиулсан бол Дерветханы Бейбит Жигжидсүрэнгийн Бямбадоньдыг амлаад барьц сонгуулж, Эрдэнэбатын Даш Жамбалыг амласан ч этүүлж өвдөг шорооодсон байна. Тунасан хоёроос Санийдагвын Түвшинжаргал Таванханы Б.Баатарболдыг орхижээ.
Зургаагийн даваанд улсын залуу харцага Э.Оюунболд аймгийн залуу харцага Э.Эрдэнэбаяраар, аймгийн залуу заан Б.Номиндалай сумын залуу заан С.Түвшинжаргалаар тус тус давсан байна. Тунасан хоёрын барилдаанд  Доньд давснаар их шөвөггт шалгарсан байна.
Их шөвөгт үлдсэн нэг ангийн гурав тойргоор барилдаж цолны эрэмбээр байр эзэлжээ. Нэгэн цагт Аварга дээд сургуулийн нэг ангийн төгсөлт, Сангийн ангийнхан хэмээн нэршиж байсан бол одоо Оюунболдын ангийнхан хэмээн нэрлүүлэх цаг холгүй байна. Улсын харцага Э.Оюунболд, а.з Б.Номиндалай, а.н Д.Алтангэрэл, сумын шилдэг заанууд Тарагтын Ж.Бямбадоньд, Хотонтын Л.Жамбал, Буянтын Б.Сосорбарам, Түдэвтэйн  Д.Хандсүрэн, Өмнөговийн Ц.Ёндонбаатар, Бүрдний Ц.Сүрэнмандах нар Аварга дээд сургуулийн  чөлөөт бөхийн дөрөвдүгээр ангийнхан юм.
Дүйзийг дөрвийн даваанаас үзнэ үү.
1. Э.Оюунболд у.х – М.Баасандорж с.з Хөвсгөл
2. Б.Номиндалай а.з – Ж.Нямзагд с.з Булган
3. Э.Эрдэнэбаяр а.х – Ю.Отгон с.з Өвөрхангай
4. Д.Аззаяа а.н – Б.Даваасүрэн с.з Баянхонгор
5. Д.Бейбит а.н – Я.Мандалбаяр с.з Сэлэнгэ
6. Э.Даш с.з – Д.Намхай с.з Өвөрхангай
7. Ж.Бямбадоньд с.з – Ц.Ёндонбаатар с.з Өмнөговь
8. Л.Жамбал с.з – Д.Хандсүрэн с.з Завхан
9. С.Дашдондов с.з – Б.Сосорбарам с.з Ховд
10. Т.Төгсдөлгөөн с.з – Д.Эрдэнэцогт с.з Архангай
11. С.Түвшинжаргал с.з – Э.Сумьяабат с.з Булган
12. Б.Баатарболд с.з – Г.Ганпүрэв с.з Өвөрхангай

Тавын даваа

1. Э.Оюунболд у.х - С.Дашдондов с.з
2. Б.Номиндалай а.з- Б.Даваасүрэн с.з
3. Э.Эрдэнэбаяра.х- Д.Эрдэнэцогт с.з
4. Д.Бейбит а.н - Ж.Бямбадоньд с.з
5. Э.Даш с.з - Л.Жамбал с.з
6. С.Түвшинжаргал с.з – Б.Баатарболд с.з

Зургаагийн даваа

1. Э.Оюунболд у.х – Э.Эрдэнэбаяр а.х
2. Б.Номиндалай а.з – С.Түвшинжаргал с.з
3. Ж.Бямбадоньд с.з – Л.Жамбал с.з

МУИС-ийн оюутан Т.Түмэндэмбэрэл