Өсвөрийн бөхийн барилдаан боллоо

“Бөхийн намрын баяр”-ын хүрээнд зохион байгуулсан өсвөрийн бөхийн барилдаан өнгөрсөн бямба гарагт Монгол бөхийн өргөөнд боллоо. 1997 оноос хойш төрсөн хөвгүүд оролцон барилдсан бөгөөд өнөө жилийн өсвөр үеийн УАШБ-ы бага насны ангилалд гутгаар байр эзэлсэн, Хэнтий аймгийн Баян-Адарга сумын заан Осгондаваагийн Эрдэнэбат, Дундговь аймгийн Дэлгэрхангай суманд өнөө жил түрүүлсэн сумын заан Б.Содном, Говь-Алтай аймгийн Төгрөг сумын харьяат, өсвөр үеийн УАШБ-ы мөнгөн медальт Даваадоржийн Эрдэнэтулга, өнөө жилийн улсын баяр наадмын өсвөрийн барилдаанд дунд шөвөгт үлдсэн, Ховд аймгийн Дуут сумын харьяат Батхишигийн Одгэрэл нараар манлайлуулсан 80 бөх зодоглов. Барууны магнай сумын заан Б.Содном Шонхорын Н.Даваасүрэнд хоёрын даваанд өвдөг шороодсон бол Аваргын Э.Ананд Шонхорын А.Азбаярыг өмсөөд шидчихэв. Гурвын даваанд Э.Ананд ОБЕГ-ын Аврагч СХ-ы бөх, Завхан аймгийн өнөө жилийн өсвөрийн түрүү Ц.Нямдавааг сунгаж татаад, Шонхорын Н.Даваасүрэн мөн ОБЕГ-ын Б.Түвшинтөгсийг дунгуйлдаж татаад давсан бол Төв аймгийн харьяат Н.Пүрэвдорж Өмнөговь аймгийн арслан С.Идэрсүрэнгийн хүү Номин-Эрдэнийг таллаж тахимдаад давлаа. Дөрвийн даваанд Ховдын Б.Одгэрэл Төвийн Н.Пүрэвдоржийг бярдаж түрээд, Хилчиний Н.Өсөхбаяр Шонхорын Н.Даваасүрэнг мордоод давав. Тавын даваанд сумын заан О.Эрдэнэбат гоц мөргөж, Аваргын Эрдэнэтулга Хилчиний Өсөхбаярт шороодсон бол Аваргын Э.Ананд Ховдын Б.Одгэрэлийг дунгуйлдаж татаад уран давав. Зургаагийн даваанд Хилчиний Н.Өсөхбаяр гоцлож, с.з О.Эрдэнэбат Э.Ананд нар хүч үзэв. Хэдхэн хоногийн өмнө Сүхбаатар аймагт болсон УАШБ-д хоёр бөх таарч барилдахад Э.Ананд дунгуйлдаж татах мэхээр давсан бол энэ удаад мөн элэг бүс сэнжигнээс дунгуйлдаад давав. Үзүүр булаалдах барилдаанд Сүхбаатар аймгийн Онгон сумын харьяат Хилчин спорт хорооны бөх Н.Өсөхбаяр арлаар илүүрхэж давсан бол, улсын аварга шалгаруулах барилдааны уран барилдааны шагнал хүртсэн, Архангай аймгийн Өлзийт сумын харьяат, Аварга сургуулийн сурагч Э.Ананд уран барилдаанаар үеийн нөхөд болоод үзэгч олноо шуугиулсаар үзүүрлэж, Хэнтий аймгийн Баян-Адарга сумын харьяат, сумын заан О.Эрдэнэбат шөвгийн гуравт шалгарлаа. Харин шөвгийн тавд Ховдын Б.Одгэрэл, Аваргын Д.Эрдэнэтулга нар үлдэв. Дүйзийг хоёрын даваанаас сонирхоно уу.

Хоёрын даваа

1. О.Эрдэнэбат с.з Хэнтий - А.Нармандах Аварга

2. Б.Содном с.з Аварга - Н.Даваасүрэн Шонхор

3. Д.Эрдэнэтулга Аварга - М.Цэндсүрэн Аварга

4. Б.Одгэрэл Ховд - Д.Цэнд-Аюуш Аварга

5. Д.Ариунбаатар Аварга - Б.Бат-Өлзий Шонхор

6. М.Баяржаргал Олонлог - Б.Төмөр-Очир Аварга

7. Ц.Адъяасүрэн Аварга - Б.Түмэнтөр Архангай

8. Ц.Нямдаваа ОБЕГ - Ж.Бямбадорж Аварга

9. А.Азбаяр Шонхор - Э.Ананд Аварга

10. Ц.Мягмардорж 102-р сургууль - М.Хүрэлбаатар Аварга

11. Ч.Лхагвасүрэн 102-р сургууль- Г.Хишигсайхан Булган

12. Б.Түвшинтөгс ОБЕГ - М.Түвшинбаяр Аварга

13. И.Номин-Эрдэнэ Өмнөговь - Б.Нямдорж Аварга

14. Ж.Жавхлан Аварга - С.Лхагвасүрэн Булган

15. Г.Өлзий-Орших Аварга - Ж.Далайбаатар Шонхор

16. Н.Өсөхбаяр Хилчин - Б.Билгүүн Аварга

17. Д.Батнасан 59-р сургууль - Ч.Дэмбэрэл Шонхор

18. С.Оюун-Эрдэнэ Шонхор - Д.Энхжин Аварга

19. Т.Баттөмөр Шонхор - Н.Пүрэвдорж Төв

20. Р.Хумбалданчагнаа Шонхор - Г.Пүрэвдорж Хэнтий

Гурвын даваа

1. О.Эрдэнэбат с.з Хэнтий - Д.Энхжин Аварга

2. Д.Эрдэнэтулга Аварга - Б.Түмэнтөр Архангай

3. Б.Одгэрэл Ховд - Ж.Жавхлан Аварга

4. Д.Ариунбаатар Аварга - Г.Хишигсайхан Булган

5. М.Баяржаргал Олонлог - Г.Өлзий-Орших Аварга

6. Ц.Нямдаваа ОБЕГ - Э.Ананд Аварга

7. Ц.Мягмардорж 102-р сургууль - Д.Батнасан 59-р сургууль

8. Б.Түвшинтөгс ОБЕГ - Н.Даваасүрэн Шонхор

9. И.Номин-Эрдэнэ Өмнөговь - Н.Пүрэвдорж Төв

10. Н.Өсөхбаяр Хилчин - Г.Пүрэвдорж Хэнтий

Дөрвийн даваа

1. О.Эрдэнэбат с.з Хэнтий - Г.Өлзий-Орших Аварга

2. Д.Эрдэнэтулга Аварга - Д.Батнасан 59-р сургууль

3. Б.Одгэрэл Ховд - Н.Пүрэвдорж Төв

4. Н.Өсөхбаяр Хилчин - Н.Даваасүрэн Шонхор

5. Д.Ариунбаатар Аварга - Э.Ананд Аварга

Тавын даваа

1. О.Эрдэнэбат с.з Хэнтий -гоц мөргөв

2. Д.Эрдэнэтулга Аварга - Н.Өсөхбаяр Хилчин

3. Б.Одгэрэл Ховд - Э.Ананд Аварга

Зургаагийн даваа

1. О.Эрдэнэбат Хэнтий - Э.Ананд Аварга

2. Н.Өсөхбаяр Хилчин - гоц мөргөв

Долоогийн даваа

1. Н.Өсөхбаяр Хилчин - Э.Ананд Аварга

МУИС-ийн оюутан Т.Түмэндэмбэрэл