Унаач А.Бөхчулуун: Баруун хязгаар Ховд аймгаас ирж уралдаж байна

Баяр наадмын хурдан хязаалангийн уралдаанд Говь-Алтай аймгийн Шарга сумын уугуул Төмөрбаатарын Зулзүсэмийн сартай хонгор үрээ айргийн гурваар хурдлан ирсэн билээ. Гараанаас гарсан 295 хурдан хязаалангаас Ховд аймгийн 10 настай унаач Амаржаргалын Бөхчулууны унасан хонгор үрээ  26,36,79 доллийн амжилтаар ийнхүү уясан эзэн, наадамчин олныг баярлуулсан юм.
-Сайхан баярлаж байна уу? Унасан морио айргийн гурваар орууллаа. Баярынхаа сэтгэгдлээс хуваалцаач? -Баярлалаа. Сайхан байлгүй яахав. Мэдээж түрүүлнэ л гэж уралдана шүү дээ. Сартай хонгор даагаа гуравлуулчихлаа, сэтгэл өндөр байна.
-Сая хүүхдийн төлөө үндэсний газрынхан гарын бэлгээ өглөө. Бэлэг таалагдав уу?
-Тийм ээ, таалагдаж байна. Унаач бидний хувьд хамгийн хэрэгтэй зүйл хамгаалалтын хувцас хэрэглэл байдаг  шүү дээ. Ах, эгч нар маань нүдээ олсон бэлэг өглөө, баярлалаа гэж хэлье.
- Хэддүгээр ангид сурдаг вэ? Сурлага өндөр үү?
- Тавдугаар ангид сурдаг.  Хичээл гайгүй ээ.
-Уралдааны өмнөх өдөр  юу бодогддог вэ?
-Наадмын өмнөх шөнө догдлоод нойр хүрдэггүй юм. Хэсэг дугхийхэд түрүүлж айрагдаж байна гээд л зүүдэлнэ шүү дээ. Харин наадмын дараа олон сайхан амжилт гаргачихаад амрахад цаанаа л амттай байдаг юм.
-Ярилцсанд баярлалаа. Дүүгийнхээ сурлага хөдөлмөрт амжилт хүсье.

А.Дөл