Өвөрхангай аймагт барилдаан боллоо

Өвөрхангай аймгийн Арвайхээр хотноо Мал эмнэлэг үржлийн алба үүссэний 90 жилийн ойд зориулсан хүчит 32 бөхийн барилдаан боллоо. Тус барилдаанд Өвөрхангай аймгийн Уянга сумын харьяат аймгийн начин Хүрэл-Очирын Гантулга 5 даван түрүүлж, Баруунбаян-Улаан сумын харьяат аймгийн арслан Даваадоржийн Болдбаатар үзүүрлэжээ. Үзүүр түрүүнд Х.Гантулга начин Болдбаатар арслангаас барьц сонгож тэвэрч өргөөд угсруулж мушгиад давсан байна. Харин их шөвгийн дөрөв Нарийнтээл сумын заан Содномдоржийн Даваадорж, Есөнзүйл сумын заан Буяннэмэхийн Баярмөнх нар үлдсэн байна. Их шөвгийн барилдаанд Болдбаатар арслан өөрийн дархан давхар хамах мэхээр Есөнзүйлийн Б.Баярмөнхийг давсан бол нэг ангийн андуудын барилдаанд аймгийн начин нь шуудагдаж мөргөж түрээд орхижээ. Шөвгийн наймд сумын шилдэг заан Нарийнтээл сумын харьяат Баяртогтохын Мөнх-Өрнөх, Тарагт сумын харьяат Жигжидсүрэнгийн Бямбадоньд, Өлзийт сумын шинэ заан Б.Мөнхбаатар, Гучин-Ус сумын начин Чулуунбаяр нар үлдсэн. Мөн саяхан болж өндөрлөсөн Өвөрхангайнхны Спортын наадмын барилдаанд Уянга сумын харьяат аймгийн заан Д.Дарханбаатар түрүүлж, Гучин-Ус сумын заан Ц.Батжаргал дэд байр, Тарагт сумын заан Ж.Бямбадоньд гутгаар байр, Нарийнтээл сумын заан С.Даваадорж 4 дүгээр байр тус тус эзэлжээ. Өчигдрийн барилдааны дүйзийг 3-ын даваанаас сонирхоно уу.
3-ын даваа
1. Д.Болдбаатар а.а – Чулуунбаяр с.н /хутгааг мулталж тэвэрч өргөөд/
2. Х.Гантулга а.н – Б.Мөнхбаатар с.з
3. Б.Мөнх-Өрнөх – Б.Баярмөнх с.з
4. С.Даваадорж с.з – Ж.Бямбадоньд / мордоод/
4-ийн даваа
1. Д.Болдбаатар а.а – Б.Баярмөнх с.з /давхар хамаад/
2. Х.Гантулга а.н – С.Даваадорж с.з /шуудагдаж мөргөж түрээд/
5-ын даваа
1. Д.Болдбаатар а.а – Х.Гантулга а.н / барьц сонгож мушгиад/

Мэдээллийг: Ш.Чулуундорж