Морин парадыг чимсэн “Дэлтэй цэнхэр”-ийнхэн

А.Тэлмэн
2013 оны 9-р сарын 05 -нд

Морьтон монголчуудын мөнхийн омогшлыг дэврээсэн үйл явдлын нэг нь Дэлхийн адууны баяр, Монгол улсад адууны яам байгуулагдсаны 750 жилийн ой байлаа. Дэлхийн “шинэ амжилтын эзэд” болсон мориныхон халуун бүлээрээ цугласан нь энэ байсан юм. Хамгийн идэвхи, санаачлагатай “хамт олноор” Булганчууд тодорсон тухай бид өмнө нь мэдээлсэн билээ. Ийнхүү газар газрын уяачид сэтгэл зүрхээрээ нэгдэж наймдугаар сарын 9-10-ны өдрүүдэд Хүйн долоо худаг хөлд дараатай өнжсөн юм. Монгол улсад Адууны яам байгуулагдсаны 750 жилийн ой, “Монгол морь-3000” Үндэсний хурдан морины уралдаанд Хөвсгөл аймгийн 24 сумдаас Тариаланчууд хамгийн идэвхитэй оролцож аймагтаа тэргүүлсэн ажээ. Монгол улсын Алдарт уяач Г.Доржпүрэв, аймгийн Алдарт уяач Д.Ганхуяг, Д.Найдандорж, сумын Алдарт уяач Л.Мөнхбат нарын 20 гаруй уяачид Тариалангаа төлөөлсөн бол аймгийн Алдарт уяач Т.Болдбаатар тэргүүтэй Мөрөнгийнхөн, Т.Наранхү, З.Нямринчин, М.Бат-Очир, Я.Ням-Очир нарын Тосонцэнгэлийнхэн гээд 40 гаруй уяачид хоймор нутгаас ирж оролцжээ. Харин “Монгол морь -3000” хурдан морьдын уралдаанд Монгол улсын Алдарт уяач Г.Доржпүрэв, аймгийн Алдарт уяач Д.Найдандорж, Т.Болдбаатар, Т.Нямбаатар, Г.Уламбаяр, Э.Даваадорж, Б.Нямринчин нарын дөчөөд уяачид хурдан хүлгэдээ мордуулан одтой сайхан наадсан тухай “Дэлтэй цэнхэр” МСУХ-ны ажилтан Т.Наранхүү мэдээлсэн юм.
П.Ундраа

 

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна