Монгол бөх Гиннест бүртгүүлсний 2 жилийн ойн барилдаан болно

Саяхан хурдан морио Гиннесийн амжилтанд бүртгүүлээд авсан монголчууд одоогоос хоёр жилийн өмнө 6002 бөх барилдуулж бас нэгэн амжилтын эзэд болж байсан билээ. Есдүгээр сарын 17-нд Төв цэнгэлдэх хүрээлэнд сүр дуулиантайгаар нээлтээ хийсэн 13 даваатай тус бөхийн барилдаанаас хойш хоёр жил өнгөрөөд байгаа юм. Тэгвэл энэ удаад Монгол бөхийг Гиннест бүртгүүлсний ойн барилдааныг есдүгээр сарын 22-нд хийхээр Үндэсний Бөхийн холбооноос төлөвлөөд байгаа ажээ. Ийнхүү энэ намрын нээлтийн барилдаан Гиннест бүртгүүлсний ойн барилдаанаар эхлэх бол аравдугаар сарын 13-нд Баянзүрх уулын хишиг барилдаанаар үргэлжилнэ. Харин аравдугаар сарын 27-нд улсын начин цолны хүндэтгэлийн барилдаан, 11-р сарын 10-нд Монгол бахархлын өдөр, 26-нд Улс тунхагласны баяр, 12-р сарын 10-нд  Ардчилсан хувьсгалын ой, 12-р сарын 15-нд Богд хайрханы хишиг, 12-р сарын 29-нд Ерөнхийлөгчийн цомын барилдаан тус тус болох ажээ. Шинэ он гарсаар нэгдүгээр сарын 19-нд ОБ группийн нэрэмжит, 1-р сарын 30-нд морь жилийн сар шинийн баярын барилдааныг зохион явуулахаар төлөвлөжээ. Тэгвэл хоёрдугаар сарын 16-нд улсын харцага цолны хүндэтгэл, гуравдугаар сарын 1-нд Эх орончдын өдөр, гуравдугаар сарын 16-нд зэвсэгт хүчний ой, 23-нд Улсын заан цолны хүндэтгэл, дөрөвдүгээр сарын 6-нд Сонгинохайрханы хишиг, 20-нд бизнес барилдаан, тавдугаар сарын 11-нд арслан гарьд цолны хүндэтгэл, 25-нд Аварга цолны хүндэтгэл, 6-р сарын 8-нд Чингэлтэй хайрханы хишиг барилдаан болох ажээ.

А.Дөл