Б.Ерөөлт зээрд мориныхоо амжилтаар Алдарт уяач болно

А.Тэлмэн
2013 оны 7-р сарын 26 -нд

Ховд аймгийн Чандмань сумын уугуул, аймгийн Алдарт уяач Б.Ерөөлт сүүлийн үед одтой наадаж байгаа залуусын нэг юм. Дааган Цэндээг уяаны эрдмийн багшаа хэмээн хүндэтгэж явдаг Ерөөлт уяач санаа нийлсэн нөхдийнхөө хамтаар “Чонон саарал” гал уяаг байгуулан сүүлийн нэг жил бие даан уяа сойлго тааруулах болоод байгаа юм билээ. Түүний өвөө сумын заан цолтой бөх бөгөөд бас хурд ирлэсэн уяач нэгэн байжээ. Ерөөлтийн аав  эмчийн ажлынхаа хажуугаар морь уяж, хүү Ерөөлт нь унаж уралддаг байсан нь ийнхүү моринд орохын эхлэл байсан аж. Харин идэвхитэй орсон нь 2002 он бөгөөд  том жижиг наадмуудад одтой наадаж аймгийн Алдарт уяачдын нэг болсон юм.  Харин энэ жил зээрд мориныхоо амжилтаараа Монгол улсын Алдарт уяачийн болзол хангаад байна. Дүнжингарав 2012, 2013 уралдаанд тус тус түрүү магнайд хурдалсан зээрд халзан Эрдэнэт хурд 2013-т ч энэ амжилтаа бататгасан.  Мөн АХ-ын 92 жил, Үндэсний их баяр наадмын их насны морьдын уралдаанд айргийн гурваар хурдалж, “Их хурд 6” уралдаанд  аман хүзүүдээд байгаа билээ. Ийнхүү нэг адуугаар амжилттай наадаж буйгаас  Ерөөлтийн ямархан уяач болохыг төвөггүй харж болох бизээ.

А.Дөл

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна