Тод манлай уяач С.Ганхуяг: Бор морь дөрөв дэх удаагаа төрийнхөө наадамд айрагдлаа

- Таны морь сая айргийн дөрөвт орлоо. Баяр хүргэе. Баярын сэтгэгдлээсээ хуваалцана уу?
- Баярлалаа, маш их баяртай байна. Дөрөв дэх жилдээ улсын наадамд айрагдаж байна.
-  Одоо хэдэн настай морь билээ?
- Одоо 13 настай. Бор морь маань Дорнод аймгийн Хөлөнбуйр сумын Мөнхбат гэж залуугийн унаган адуу. Над дээр ирээд дөрөв, таван жил болж байна. Улсын баяр наадамдаа тасралтгүй дөрөв айрагдчихаад л байна. 

- Энэ жил олон том наадамтай хаашаа явж наадъя гэж бодож байна?
- Их хурд, Бүсийн наадамд хоёрын аль нэгэнд уралдана даа
- Энэ жилийн баяр наадмын өнгө таны хувьд ямар болж байна даа?
- Сайхан болж байна. Манай уяан дээр бас Ажнайн түрүүлдэг халзан азарга байсан. Бид хамтдаа сунгаагаа хийж байгаад ирсэн. Нэг уяаны Халзан азарга түрүүлж, бор морь маань айрагдлаа. Наадам сайхан болж байна.
- Дахиад ямар ямар нас мордуулах вэ?
- Эрлийз даага, соёолонгоо мордуулна.
- Бор морины уяаны хувьд?
- Энэ жил дан уяатай байсан, өвөл уралдаагүй. Миний бор морь үзүүр рүүгээ их зүтгэж уралддаг морь
- Жил жилийн наадамд сайхан наадаж байна. Наадамчин олонтойгоо сэтгэгдлээ хуваалцана уу?
- Нийт наадамчин олон Монголчууддаа сайхан наадаарай гэж ерөөе.

А.Мөнх