Уяач Т.Зулзүсэм: Битүү үрээгээр төрийн наадмын анхны айргаа хүртэж байна

-Баярынхаа сэтгэгдлээс манай уншигчидтай хуваалцаач?
-Үнэхээр их баяртай байна. Төрийнхөө их баяр наадмаас анхны айргаа хүртэж байна.  Хязаалан насаар салхиа хагалдаг  наадмын эхний өдөр ийнхүү айраг хүртсэндээ үнэхээр их бэлгэшээж байна.
-Таны сартай хонгор хаанахын угшилтай адуу вэ?
-Сартай хонгор маань Хэнтий аймгийн Баянхутаг сумын харьяат Баярмагнай найзын маань унаган үрээ байгаа юм. Манай адууны уяа сойлгыг нийслэлийн Алдарт уяач Дашцэрэн тааруулдаг. Битүү үрээ маань ийнхүү улсад анх удаа уралдаж төрийн наадмын анхны айргийг амсууллаа.
-Баярлалаа. Дараа дараагийн уралдаануудад тань амжилт хүсье.