Урианхай сурын харваагаар Үндэсний их баяр наадам эхэлнэ

А.Тэлмэн
2013 оны 7-р сарын 04 -нд

Тулгар төрийн 2222 жил, Их Монгол улс байгуулагдсаны 807 жилийн ой, Ардын Хувсгалын 92 жилийн ой, Үндэсний их баяр наадмын үйл ажиллагаа 7-р сарын 7-ны Ням гарагт Урианхай сурын харваагаар эхэлнэ. Үндэсний их баяр наадмыг зохион байгуулах хорооны Үндэсний сурын салбар хорооноос энэ жилийн Урианхай сурын харваанд 160 гаруй харваач цэц мэргэнээ сорино гэсэн мэдээллийг өгч байна.

Харин 7 дугаар 8-нд Буриад сурын харваа болно. Буриад сурын харваанд 200 гаруй харваач оролцохоор бүртгүүлжээ.

Үндэсний сурын харваа 7 дугаар сарын 10-нд сурын талбайд нээлтээ хийнэ. Үндэсний сурын харваанд 400 гаруй харваач цэц мэргэнээ сорих бөгөөд 160 гаруй хүүхэд оролцоно гэсэн урьдчилсан мэдээ байна. Хүүхдийн сурын харвааг 8 хүртэл, 9-11, 12-17 гэсэн 3 насны ангиллаар зохион байгуулахаар болжээ. Үндэсний сурын харваанд оролцох харваачдыг 7,8–ны өдрүүдэд бүртгэнэ гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ. 

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна