“Хангайн бүс” худалдааны төвийн нэрэмжит уралдаанд айрагдсан морьдын цуваа

“Степ трейд” ХК-ийн “Хангайн бүс” худалдааны төвийн нэрэмжит уламжлалт уралдаан гурав дахь жилдээ амжилттай зохион байгуулагдлаа. 7-р сарын 2-ны мягмар гарагт болсон энэ удаагийн уралдаанд Сэлэнгэ, Булган, Архангай, Хөвсгөл,Орхон зэрэг аймгуудын зургаан насны /өмнө нь доод гурван нас уралддаг байсан/шандаст хурдан хүлгэд тоосоо өргөсөн бөгөөд азарга, их насыг “Тэсийн голын ажнай унага” МСУХ-ны тэргүүн, “Ном хур” ХК-ийн захирал Ч.Дүгэр, гүйцэтгэх захирал “Голден хилл”ХК-ийн захирал М.Баттулга нар  байлж, харин соёолонгийн уралдааныг Орхон аймгийн “Эрдэнэт хүлэг” МСУХ-ны тэргүүн, уулын баяжуулах “Эрдэнэт” үйлдвэрийн үйлдвэр эрхэлсэн орлогч дарга Д.Даваасамбуу ивээн тэтгэсэн байна.
Наадмын өмнөх сорилго гэдгээрээ ач холбогдол өндөртэй байдаг уг уралдаан жил ирэх тусам хүрээгээ тэлж буй бөгөөд доод гурван насны морьдын уралдаан аймгийн статустай наадамд тооцогддог билээ. Цэвэр болон импортын адуу уралдуулаагүй энэ удаагийн уралдаан зохион байгуулалт өндөртэй болж, хамгаалалтын хувцас хэрэгсэлгүй хүүхдүүдийг уралдааны замд гаргаагүй аж. Энэ жилийн уралдааны өөр нэгэн онцлог нь 64 бөх уран мэхийг уралдуулан наадамчин олныг цэнгүүлсэн явдал байлаа. Ингээд түрүүлж айрагдсан морьдын цувааг фото зургийн хамт хүргэе.
Азарга:
1.Орхон аймгийн Баян-Өндөр сумын харьяат Ц.Ойдовын хул
2. Орхон аймгийн Баян-Өндөр сумын харьяат Д.Гантөмөрийн хонгор
3. Орхон аймгийн Баян-Өндөр сумын харьяат Д.Баясгалангийн Баавгай хүрэн
4. Орхон аймгийн Баян-Өндөр сумын харьяат Д.Баясгалангийн Толин хүрэн
5.Архангай аймгийн Хайрхан сумын харьяат Д.Одсүрэнгийн хар
Их нас:
1.Орхон аймгийн Баян-Өндөр сумын харьяат Д.Баясгалангийн хүрэн
2. Сэлэнгэ аймгийн Баруунбүрэн сумын харьяат Ц.Даваадоржийн хээр
3. Орхон аймгийн Жаргалант сумын харьяат Д.Батбаярын хээр
4. Орхон аймгийн Баян-Өндөр сумын харьяат Ө.Бадамжаргалын цавьдар халзан
5. Орхон аймгийн Баян-Өндөр сумын харьяат Т.Ариунсангийн хонгор
Соёолон:
1.Орхон аймгийн Баян-Өндөр сумын харьяат Д.Батбаярын Эрдэнэ хонгор
2. Орхон аймгийн Жаргалант сумын харьяат Х.Батжаргалын хул
3. Орхон аймгийн Жаргалант сумын харьяат А.Болд-Эрдэнийн буурал духт
4. Орхон аймгийн Баян-Өндөр сумын харьяат Ж.Золбоогийн хээр
5. Орхон аймгийн Баян-Өндөр сумын харьяат Б.Баярмагнайгийн хүрэн
Хязаалан:
1.Говь-Алтай аймгийн Дэлгэр сумын уугуул, МУ-ын Гавьяат тамирчин Н.Бүргэдээгийн хул
2.Булган аймгийн Хангай сумын уугуул, О.Энхсайханы хар
3. Орхон аймгийн Баян-Өндөр сумын харьяат Ц.Батхуягийн хар
4. Орхон аймгийн Жаргалант сумын харьяат Х.Бямбацогтын шарга халзан
5. Орхон аймгийн Баян-Өндөр сумын харьяат С.Лхагвын саарал
Шүдлэн:
1.Төв аймгийн Жаргалант сумын харьяат Э.Эрдэнэсайханы Дүүлэн бор
2. Орхон аймгийн Жаргалант сумын харьяат Х.Бямбацогтын хүрэн халзан
3.Булган аймгийн Сэлэнгэ сумын харьяат Баяржаргалын халиун
4. Орхон аймгийн Жаргалант сумын харьяат Л.Отгонтэнгэрийн хул
5. Орхон аймгийн Баян-Өндөр сумын харьяат Ц.Эрдэнэбатын хонгор
Даага:
1.Сэлэнгэ аймгийн Баруунбүрэн сумын харьяат П.Баярмагнайгийн хул
2. Орхон аймгийн Баян-Өндөр сумын харьяат Ө.Гомбын хээр
3. Сэлэнгэ аймгийн Баруунбүрэн сумын харьяат Н.Цэнд-Очирын хээр
4. Орхон аймгийн Баян-Өндөр сумын харьяат Б.Болдын хар
 5. Орхон аймгийн Жаргалант сумын харьяат Х.Бямбацогтын хүрэн халзан

А.Мөнх, Фотог н.Баттөр