Анхны “Хотгойдын хурд”-д түрүүлж, айрагдсан дээд гурван насны морьдын фото

А.Тэлмэн

2013 оны 5-р сарын 30 -нд

Хурдан морины хорхойтнууд, уяачдын хүсэн хүлээдэг наадмын нэг бол “Хотгойдын хурд” хангайн бүсийн хурдан морины уралдаан юм. Энд нэгэн түүхийг сонирхуулахад Хөвсгөл аймгийн “Дэлтэй цэнхэр” МСУХ-ны тэргүүн, одоогийн УИХ-ын эрхэм гишүүн Даваасүрэн ажлаа аваад удаагүй байсан аж. 2004 онд Хөвсгөлчүүдийнхээ, тэр дундаа уяачдынхаа итгэлийг хүлээж аймгийн МСУХ-ны тэргүүнээр сонгогдсон тэрээр өдгөө 9 дэх жилдээ ажиллаж байгаа юм: Анх холбооны тэргүүний ажлыг авчихаад ММСУХ-ны Ерөнхий нарийн бичгийн дарга байсан Баярмагнай гуайтай уулзахад “танай холбооны ажил нэлээд хойхнуур яваа шүү. Хотгойдын унага, Тэсийн голын унага гээд хурдтай нутаг хэрнээ нэг удаа ч бүсийн уралдаан зохион байгуулж байгаагүй. Бүсийн уралдаан зохион байгуулаагүй нь Баян-Өлгий, танайх хоёр л байна шүү” хэмээн үүрэг даалгавар өгсөн байна. Ингээд уяачдынхаа ур чадвар хурдан мориныхоо угшлыг сайжруулах, бүсийн уралдаан зохион байгуулах даалгавар авсан Даваасүрэн тэргүүн 2007 онд "Хотгойдын хурд" хангайн бүсийн хурдан морины уралдааныг анх удаа нутагтаа зохион байгуулжээ. Тухайн үед 17 аймгийн уяачид хурдан хүлгэдийнхээ хамт ирж оролцсон нь хамгийн өргөн цар хүрээтэйд тооцогдож байв. Бай шагналын хувьд ч өндөр байжээ. Нас болгоны түрүүгээ пургон автомашинаар байлсанаас гадна Монгол орны хоймор нутагт анх удаа болж байгаа бүсийн уралдаан гэдгээрээ онцлогтой болсон юм. Ийнхүү “гараа сайн бол бариа сайн” болохыг харуулаад авсан “Хотгойдын хурд” уралдаан өдгөө уламжлал болон явагдах болсон.

А.Мөнх

Анхны “Хотгойдын хурд”-д түрүүлж, айрагдсан дээд гурван насны морьдын фото

1.Завхан аймгийн Улиастай сумын уугуул “Шим” группын захирал МУ-ын Тод манлай уяач Л.Цандэлэгийн Соёмбо хүрэн азарга.

2. Улаанбаатар хот БХЯ Зэвсэгт хүчний 014-р ангийн уяач МУ-ын Алдарт уяач А.Алтангадасын хээр азарга.

3. Хөвсгөл аймгийн Тариалант сумын уугуул, “Тэс” группын ерөнхийлөгч Д.Батхуягийн хүрэн азарга.

4.Төв аймгийн Батсүмбэр сумын уугуул “Симба” группын захирал МУ-ын Тод манлай уяач Ц.Батсайханы хээр азарга.

5. Дорнод аймгийн Баяндун сумын уугуул, Т.Цэгмидийн бор азарга.

1. Хөвсгөл аймгийн Их-Уул сумын уугуул, ЗТАЖЯ-ны төрийн нарийн бичгийн дарга Ц.Бат-Энхийн сартай хүрэн морь.

2. Баянхонгор аймгийн Баян-Овоо сумын уугуул аймгийн Алдарт уяач Д.Дүгэрсүрэнгийн цоохор морь.

3. Хөвсгөл аймгийн Төмөрбулаг сумын уугуул, аймгийн Алдарт уяач Л.Лэгшигдоржийн хонгор морь.

4. Орхон аймгийн уугуул, “Монгол даатгал” компаний Мөнхбатын бор морь

5. Увс аймгийн Тэс сумын уугуул, МУ-ын Алдарт уяач Цэвээний хонгор морь

1. Сүхбаатар аймгийн Дарьганга сумын уугуул, “Ганга интернэшнл” ХХК-ийн захирал Ч.Гансүхийн зээрд соёолон.

2. Өвөрхангай аймгийн Бүрд сумын уугуул, “Шандас” группын захирал МУ-ын Алдарт уяач Т.Энхбатын наадмын хүрэн соёолон.

3. Сүхбаатар аймгийн Халзан сумын уугуул, Ууганбаярын бор соёолон.

4. Ховд аймгийн Мянгад сумын уугуул, МУГТ Кекүшюзан Д.Батбаярын хонгор соёолон.

5. Архангай аймгийн Эгий-Нуур сумын уугуул Д.Онолбаатарын хүрэн соёолон.

0 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ
Уншсан