Босго оноо тэнцсэн харваачид наадамд “зодоглоно”

Бүтэн жилийн бэлтгэлээ базаасан харваачид хөдөлгөөнд орж эхлээд байгаа билээ. Таван сар гарсаар нээлтийн харваанд халуун бүлээрээ цуглаад авсан тэд наадмын  өмнө тун ч завгүй байх ажээ. Энэ сарын 25-нд Улаанбаатар хотын сурын аварга шалгарах бол олон улсын хүүхдийн эрхийг хамгаалах өдөр хүндэт мэргэн Жамбаагийн нэрэмжит хүүхдийн баярын харваа болох юм байна. Мөн өдөр эмэгтэйчүүдийн багийн аварга шалгаруулах харваа эхэлж зургаадугаар сарын 2-нд дүнгээ гаргана. Харин зургаадугаар сарын 15-16-ны өдрүүдэд Үндэсний сурын ууган спортын мастер Жамбасамбуугийн нэрэмжит насанд хүрэгчдийн цуваа харваа, мөн сарын 28-29-нд Үндэсний сурын өсвөрийн болон насан хүрэгчдийн улсын аварга шалгаруулах харваа тус тус болно. Энэ жилээс харваачид босго оноогоор тэмцсэн нь улсын наадамд оролцох эрхийн эзэн болох шинэ журамтай болоод байгаа юм.

П.Ундраа