2014 оны өсвөрийн улсын аварга Өмнөговьт болно

Монголын үндэсний сурын холбооны  шилдэг салбар  холбоодын нэг бол Өмнийн говийн онч мэргэн харваачдаас бүрдсэн хамт олон юм. Тухайн жилийн наадмын сурын өнгийг тодорхойлдог томоохон тэмцээнүүдийн нэг болох нээлтийн харвааны үеэр 10 жил “үнэнчээр” хамтран ажиллаж буй Өмнөговь аймгийн салбар холбоог төв удирдлагуудаас нь онцолсон  нь учиртай. Тус аймгаас хамгийн олон мастер, мэргэчүүл төрсөн гэдэг юм билээ. Ж.Баттөмөр, С.Баярмаа нарын мэргэчүүлээс эхлээд тэдний халаа болсон залуу харваачид жил ирэх тусам  нэмэгдэж буйг сурчид онцолдог. Энд ганцхан жишээ дурдахад С.Баярмаа мэргэн гэхэд өдгөө 30 гаруй хүүхдэд багшилж байгаа ажээ. Энэ жил 10 насны ойтойгоо золгож буй тус холбооны хамт олонд баярын мэндчилгээ дэвшүүлж сурын холбооны хүндэт өргөмжлөл, үнэ бүхий зүйлийг нээлтийн харвааны үеэр холбооны Ерөнхийлөгч Ч.Энхтайван  гардуулсаныг Ж.Баттөмөр мэргэн гардан авсан юм. Тэрээр аймгийнхаа холбооны тэргүүн Л.Батчулууны “2014 оны өсвөрийн улсын аваргыг орон нутагтаа зохион байгуулахад бэлэн буй”-гаа дамжуулсныг энд дуулгалаа.

П.Ундраа