Энэ өдрүүдэд Аваргын адислал бөхийн баяр болж байна

Завхан аймгийн үндэсний бөхийн холбооноос Ардын засгийн дөрөв дэх аварга “цэргийн” хэмээх Санжмятавын Шагжийн нэрэмжит “Аваргын адислал” бөхийн баярыг энэ сарын 9-13-ны өдрүүдэд хийж байна. Өсвөрийн аймгийн аварга шалгаруулах барилдаанаар эхэлсэн баяр дөрөвдүгээр сарын 10-нд “Ардын засгийн 4 дэх Аварга "Цэргийн" хэмээх С.Шагж” хэлэлцүүлэг, 11-нд БНМАУ-ын Аварга С.Шагжийн хөшөө дурсгалын шав тавих ёслолоор үргэлжилсэн байна. Харин өнөөдөр улс, аймаг, сумын алдар цолтой хүчит 128 бөхийн барилдаан  Завхан аймгийн БТСГ-ын спортын их танхимд болох ажээ. Тэгвэл 4-р сарын 12-13-нд “Хөдөөгийн хүчтэн-2013” баруун бүсийн аварга шалгаруулах барилдаан болох бөгөөд одоогоор Завхан, Говь-Алтай, Баян-Өлгий, Увс, Ховдын хүчтэнүүд уран мэхийг уралдуулан барилдахаар бүртгүүлээд байгаа гэнэ.

П.Ундраа