Спортын салбарын шилгүүд шагналаа гардан авлаа

Соёл, спорт аялал жуулчлалын яамны харьяа Спортын бэлтгэлийн төвөөс хэвлэл мэдээллийн байгууллагын спортын сэтгүүлчидтэй “Спорт, мэдээлэл, даяарчлал” сэдэвт уулзалтыг хийлээ. Уг уулзалт сургалтанд ССАЖ-ын дэд сайд М.Түмэнжаргал, спортын бэлтгэлийн төвийн захирал Б.Наранбаатар, төвийн биеийн тамир спортын албаны дарга Ж.Тунгалаг, спортын хэрэгжилтийн зохицуулах газрын мэргэжилтэн Х.Бакытжан, эрдэм шинжилгээ судалгааны албаны дарга Б.Ганзориг, спортын анагаах ухааны албаны дарга Ч.Насанбат нарын хүмүүс оролцлоо. Энэ үеэр биеийн тамир, спортын салбарын 2012 оны шилгүүдэд шагналыг нь гардуулсан юм. Салбартаа манлайлсан шилдгүүдийн төлөө 50 гаруй албан байгууллага, багш арга зүйчид өрсөлдөн материалаа ирүүлжээ. Үүнээс:
1. Улсын тэргүүний биеийн тамирын арга зүйчээр:
-Нийслэлийн Хан-Уул дүүргийн Биеийн тамир, спортын газрын биеийн тамирын арга зүйч Р.Нэргүй
-Хөвсгөл аймгийн хилийн 0257-р ангийн биеийн тамирын арга зүйч хошууч Н.Наранпүрэв 
2. Улсын тэргүүний биеийн тамирын багшаар:
-Нийслэлийн ХУД-ийн 34-р сургуулийн багш Ж.Чулуунцэцэг
-Увс аймгийн Зүүнговь сумын ахлах сургуулийн багш С.Дугармаа
3. Улсын тэргүүний биеийн тамирын талбайгаар
-Өвөрхангай аймгийн Хайрхандулаан сумын Т.Жамьяндагва захиралтай ерөнхий боловсролын сургуулийн гадна талбай
4.Улсын тэргүүний биеийн тамирын заалаар
  -Дундговь аймгийн Цагдаагийн хэлтсийн тохижуулсан биеийн тамирын заал
5.Улсын тэргүүний биеийн тамирын танхимаар
-Сэлэнгэ аймгийн биеийн тамирын спортын газрын “Улаан ирвэс” клубын танхим
6. Хөгжлийн бэрхшээлтэй иргэдийг дэмжигч байгууллага
-Архангай аймгийн биеийн тамирын спортын газар
-Дундговь аймгийн “Хөгжлийн бэрхшээлтэнй иргэдийн холбоо” төрийн бус байгууллага
7.Улсын тэргүүний биеийн тамир, спортын хамтлаг
-Улаанбаатар хотын төмөр замын 5-р цэцэрлэг
8. Улсын тэргүүний хэвлэл мэдээллийн байгууллага
-ТВ -5 телевизийн гуравдугаар суваг тус тус шалгарсныг дуулгаад өргөмжлөл, үнэ бүхий зүйл, гадаадад сургалтанд хамаарах эрхийн бичгээр шагналаа. Энэ үеэр тус төвийн захирал Б.Наранбаатар “спортын бэлтгэлийн төвийн үйл ажиллагаа, хэвлэл мэдээллийн байгууллагатай хамтран ажиллах” талаараа мэдээлэл өгсөн юм.

П.Ундраа