Уралддаг жүчээ банхар

Өмнөговь аймгийн Цогтцэцийд жүчээ банхар нэртэй  сонин нохой  бий. Тэрээр тус аймагт ямар нэгэн уралдаан болоход хэзээний л ирээд суучихсан тухалж байдаг гэнэ. Бүүр болоогүй наадамлаж буусан  айлуудын аль нэгээр үе үехэн зочилж сюрприз барина гээч. Учир нь жүчээ банхар очсон л бол ёс юм шиг тэр айлаас айраг түрүү хүртдэг ажээ. Үүнийг эртнээс анзаарсан наадамчин олон түүний  хараанд өртчихсөн хэмээн хичээдэг ч сонголтыг тэр л хийдэг гэж байгаа. Нэг үгээр бол банхар түрүүлж, айрагдах  морин дээр л очдог ажээ.  Бас нэг сонин нь зургаан насны морьд гараанаас гарахад жүчээ банхар дагаад  л уралдах бөгөөд ажралгүй барианд ороод ирдэг гэнэ. Үүнийг харсан  наадамчин олон өрөвдөж хайрлахын сацуу урьд насандаа уралдааны морь байсан болов уу хэмээн  өөр хоорондоо ярьдаг юм билээ.

П.Ундраа