Морин тойруулгын хоёр халзан дуунд мөнхрөх нь

1996 оны улсын баяр наадамд Дундговь аймгийн Дэрэн сумын уугуул МУ-ын Манлай уяач Г.Батчулууны хоёр халзан морь түрүү аман хүзүүнд давхиж уясан эзэн унасан хүүхэд хурсан олныг баясгасан билээ. Тухайн үедээ морин тойруулгын нэрийг улсын наадамд цуурайтуулсан хоёр халзан морины тухай яриа олны дунд домог мэт хөвөрч байсан. Тэрхүү хоёр алдарт хүлгээ  Г.Батчулуун Манлай дуунд мөнхлөх гэж байгаа аж. Нэгэн цагт төрийн наадмын өнгийг тодорхойлж явсан тэрхүү хоёр ажнайд зориулсан дууны үгийг өмнө нь “Хос шарга” дууны үгийг зохиосон Д.Агваан бичжээ. Харин хөгжмийн зохиолыг нь Дундговь аймгийн Дэрэн сумын харьяат хөгжмийн зохиолч Эрдэнэчулуун бичиж байгаа ч хараахан дуусаагүй байгаа гэнэ. Гэсэн хэдий ч тун удахгүй алдарт хоёр халзангийн тухай дуу монгол түмний сонорыг нь мялаах нь.

Л.Гал