Дорнод аймгийн МСУХ-ны нэрэмжит уламжлалт уралдаан боллоо

       Монголын Морин спорт, Уяачдын холбооны ууган салбар холбоодын нэг эдүгээ 16 дахь жилийнхээ хавартайгаа золгож байгаа Дорнод аймгийн МСУХ-ны нэрэмжит дээд гурван насны хурдан морины уламжлалт хаврын уралдаан 2013 оны 03 сарын 18-ны даваа гарагт болж өндөрлөлөө. Дорнын шаргал талын домогт хурдан ажнайнгуудын өлгий нутгийн уламжлалт уралдаан хийморилог эрчүүдийн баярын өдөр болсноороо өвөрмөц юм.
        Дорнод аймгийн нийт 14 сум болон хөрш зэргэлдээ Сүхбаатар, Хэнтий аймгийн эрдэмт уяачид, ухаалаг унаач багачууд 600 шахам хурдан хүлэг морьдтойгоо  хүрэлцэн  ирж Монгол цэргийн баяраар хийморио сэргээн наадлаа. Тус наадмыг аймгийн МСУХ-ны тэргүүн , УИХ-ын гишүүн Х.Болорчулуун нээн үг хэлж, мөн наадмыг угтан зохион явуулсан “ Уран цоллооч – 2013” тэмцээнд тэргүүлсэн Хөлөнбуйр сумын ЕБС-н сурагч С.Намхай,Ч. Төгөлдөр ,Г.Галмандах нарын шагналыг гардууллаа.  Энэ удаагийн наадамд түрүүлж айрагдсан болон 6-30-д хурдалсан морьдын бай шагналыг Б.Энхбаатар захиралтай “ Дорнод гурил “ ХХК, С.Отгонбаатар тэргүүнтэй “Дорнод нутаг” клуб болон Аймгийн МСУХ-н нийт Тэргүүлэгчид ивээн тэтгэжээ. Уламжлал ёсоор “ Хос морьтон “ тэмцээн явагдаж Сэргэлэн, Дашбалбар, Хөлөнбуйр сумын хосууд эхний байруудад шалгарчээ.Мөн Сэргэлэн сумын ахмад адуучин Г.Чойжинжав, ММСУХ-н 2012 оны Шилдэг салбар холбоо  Халхгол сумын “Халхын Тован”  МСУХ-ны тэргүүн А.Хүрэлбаатар нарыг ХАА-н салбарын “Тэргүүний ажилтан” цол тэмдгээр шагнасныг гардуулав.

Их нас – 195
1. Дорнод аймгийн Баянуул сумын харьяат Т.Батын хар морь
2. Дорнод аймгийн Хэрлэн сумын харьяат Б.Амгаланбаатарын хавчиг Мөнгөн саарал морь
3. Өмнөговь аймгийн Мандал-овоо сум уугуул Л. Нэргүйн хул
4. Сүхбаатар аймгийн Сүхбаатар сумын харьяат Л.Лхагвагийн хонгор халзан морь
5. Сүхбаатар аймгийн Түмэнцогт сумын харьяат С.Гантөмөрийн хонгор
6. Баянтүмэн сум А.Тэгжаргалын шарга
7. Матад сум Ч.Тогоохүүгийн хүрэн
8. Матад сум Д.Мөнхболорын бор
9. Матад сум М.Мөнхсайханы хүрэн халзан
10. Цагаановоо сум Б.Эрдэнэцогтын хүрэн

Азарга – 168
1. Дорнод аймгийн Цагаановоо сумын харьяат С.Одхүүгийн халтар азарга
2. Дорнод аймгийн Баянтүмэн сумын харьяат Л.Отгонбаатарын бор азарга
3. Дорнод аймгийн Хэрлэн сумын харьяат, ААУяач Р.Амарсанаагийн хонгор азарга
4. Сүхбаатар аймгийн Түмэнцогт сумын Т.Галбадрахын хээр
5. Дорнод аймгийн Булган сумын харьяат Д.Батэрдэний хавчиг саарал азарга / 2011 онд Дорнод аймгийн 80 жилийн түрүү, 2012 онд Аймгийн МСУХ-ны 15 жилийн ойн баяр наадмын аман хүзүү/
6. Дорнод аймгийн Чойбалсан Д.Бямбасүрэнгийн хүрэн
7. Цагаановооо сумын П.Баадайхүүгийн хул
8. Булган сумын Х.Ганбаатарын хар саарал
9. Цагаановоо сумын Л.Оюунбаатарын хүрэн халзан
10. Баянтүмэн сум ААУ Л.Энхбаатарын саарал

Соёолон – 159
1. Дорнод аймгийн Баянуул сумын харьяат О.Батчулууны хээр
2. Дорнод аймгийн Баянуул сумын харьяат Т.Балжиннямын улаан
3. Сүхбаатар аймгийн Эрдэнэцагаан сумын Г.Бөхчулууны шарга / 2013.3.9-нд Буман хурдын түрүү/
4. Дорнод аймгийн Хэрлэн сумын харьяат Г.Бадрахын хүрэн /2012 онд Дорнод аймгийн баяр наадамд аман хүзүүлсэн /
5. Сүхбаатар аймгийн Халзан сумын Ө.Золжаргалын хээр
6. Хөлөнбуйр сум Ю.Эрдэнэгийн сарт хээр
7. Хэрлэн сум С.Галтын хонгор
8. Матад сум Д.Уууганбаярын саарал
9. Хэрэлн сум Л.Ариунболдын шарга
10. Чойбалсан сум Б.Батмөнхийн хонгор
       Түрүүлж айрагдсан 15 морьдын эздийг  бэлэн 500,000-1,000,00 сая төгрөгөөр болон Япон улсад үйлвэрлэсэн “ Nikon “ брэндийн хоёр нүдний дуран,  унаач хүүхдүүдийг үүргэвчтэй бэлэг, медалиар шагнасан байна. Мөн нас бүрт 6-9 хүртэл 200 мянган төгрөг, 10-20 хүртэл 100 мянган төгрөг, 21-30 хүртэл 50 мянган төгрөгийн бай шагнал олголоо.
        Энэ удаагийн уламжлалт уралдаанд Баян-уул сум , Цагаан-овоо сумын уяач түрүү хүртжээ. Энэ уралдааны онцлог нь Аймгийн МСУХ-ны Тэргүүлэгчдийн зүгээс унаач хүүхдүүдийн аюулгүй байдал анхаарч  бүтэн 4 өдөр морь уралдах замын цасыг техникээр түрүүлж цэвэрлүүлэн, улмаар цас хайлж мөстсөн тул  уралдааны бариаг бариаг 4 км хойш татаж хуурай газрыг сонгон Хар толгойн зүүн бэлд  морьдийг барьсан нь наадамчин олны таалалд нийлцсэн үйл ажиллагаа болжээ.

Б.Батсайхан