Хурдан моринд электрон чип суулгаж эхэллээ

А.Тэлмэн
2013 оны 2-р сарын 28 -нд

ОХУ-ын Курганд тэргүүлэх технологийг нэвтрүүлж амьтдад электрон чип суулгаж эхэллээ. Эхний ээлжинд угшилтай морьдыг хамруулсан ба дараа нь үнээ, гахайнд суулгахаар төлөвлөж байна. ХАА ба дахин үйлдвэрлэлтийн хэлтсийн хэвлэлийн албаны мэдээлснээр урьд нь ийм төрлийн электрон чипийг аж үйлдвэрийн ачааг ангилахад, амьтны хүрээлэнгийн амьтад болон ховор амьтдад, эзэдтэйгээ аялалаар явж буй гэрийн тэжээвэр амьтдад суулгаж байсан бол одоо ХАА-д нэвтэрч эхэллээ. Курганы малын эмч нар электрон чип нь амьтдын эрүүл байгааг нотлох төдийгүй алга болох аюулаас бүрэн сэргийлж чадна гэжээ. Курган хотын дарга Владимир Осокин тус төслийг санаачлагч бөгөөд электрон чип нь орчин үеийн стандарт шаардлагад бүрэн нийцсэн шилдэг технологи юм гэв. Үүнийг хуурамчаар үйлдвэрлэх боломжгүй, амьтанд бүх л амьдралын туршид нь нэг л удаа суулгана, түүнийг хаяж гээх боломжгүй. Энэ нь сүргийн эздэд тоо толгойгоо бүрэн хадгалах 100 хувийн баталгаа өгч, эрүүл мэндийг нь ч хянах бололцоо олгож байгаа юм.  Дашрамд дурьдахад электрон чип нь 190 рубль, скайнер нь 55.000 рублийн үнэтэй.

Т.Болормаа

Хурдан моринд электрон чип суулгаж эхэллээ

1 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.