“Есүнхэй мэргэн” холбооны шинэ нарийн бичиг ажлаа хүлээн авлаа

Монголын Үндэсний Сурын Харвааны “Есүнхэй Мэргэн” холбооны ерөнхий нарийн бичгийн даргаар Б.Батмөнх сонгогдон, ажлаа хүлээн аваад байна. Говь-сүмбэр аймгийн харьяат, залуу харваач Батмөнх нь шинэ үеийн сурчдын нүүр царай болсон нэгэн бөгөөд үндэсний сурын түүхэнд ихээхэн хувь нэмэр оруулж яваа хүн хэмээн “мэргэжил нэгт” нөхөд нь үнэлдэг юм билээ. Тиймдээ ч түүний санаж сэдсэн ажил бүтэмжтэй байж,  Монгол үндэсний  сурын спортод хөл тавьж буй шинэ залуусыг спортын мастер,улсын мэргэн болгоно бизээ хэмээн хэмээн итгэл хүлээлгээд байгаа нь энэ ажээ. Энд нэмж  сонирхуулахад Чингис хаан 1225 онд Сартуул улсыг дайлаар мордож ялаад цэрэг морьдоо амрааж их наадам хийх үеэр Есүнхэй мэргэн 335 алд газар харваж байгаа оносон юм гэнэ лээ. Чингис хаан Есүнхэйн энэ амжилтад бахархаж 1226 онд Өргөнө мөрний хөндийд гэрэлт хөшөө босгосон нь “Чингисийн чулууны бичиг” хэмээн алдаршин түүхэнд үлдсэн байдаг юм. Өөрөөр хэлбэл нум суманд, харваачид төдийгүй спортын дээд амжилтад зориулж босгосон дэлхийн анхны хөшөө бол энэ. Ийнхүү  эрхийдээ мэргэн өвөг дээдсийнхээ нэрээр нэрлэгдсэн тус холбоо шинэ удирдлагатай болжээ.
П.Ундраа