“Уран цоллооч” тэмцээн болно

Дэлхийн нүүдэлчин монголчуудын үндэсний их өв, ардын язгуур урлагийн салшгүй нэг хэсэг болох хурдан морины уралдааны морь цоллох эрхэм сайхан төрлийг хүүхэд, залуусын дунд түгээн дэлгэрүүлэх, сурталчилах, өв залгамжлуулах зорилгоор аймаг, сум орон нутгийг хамарсан “Уран цоллооч” тэмцээнийг аймгийн Хүүхэд, гэр бүлийн хөгжлийн хэлтэс, аймгийн МСУХолбоотой хамтран зохион байгуулна. Тэмцээн нь цаашид 2 жил тутамд уламжлал болгон зохион байгуулагдах ба энэ удаад 13-18 нас, 18-25 нас гэсэн 2 ангилалд явагдах юм. Тэмцээний мэдүүлгийг 2013.03.16-ны Бямба гарагт 14.00 цагт ХГБХХ-ын урлагийн танхимд болох техникийн зөвлөгөөнд авах ба баталсан удирдамжийг бүх сумдад болон Хэрлэн сумын ЕБС-ууд, их дээд сургуулиудад хүргүүлээд байна.

О.Баярбат