Ардын хувьсгалын 76 жилийн ойн баяр наадам

Хүүхдийн гийнгоо хадаж, наадам олон уухайлсан Монгол төрийн наадмын хурдан азарганы уралдаанд
Монгол улсын Тод манлай уяач Д.Даваахүүгийн Өндөр зул, аймгийн Алдарт уяач Д.Сандагдоржийн хар, Монгол улсын Тод манлай уяач Г.Батхүүгийн Толин хул  айргийн гурваар хурдалсан юм. Удаах байранд Төв аймгийн Эрдэнэ сумын уугуул Г.Даваасүрэнгийн хонгор, Монгол улсын Тод манлай уяач Д.Даваахүүгийн уяж сойсон, Улаанбаатар хотын харьяат М.Зоригийн хүрэн тус тус айргийн тавд орсон юм.
Их нас:
1. Монгол улсын Манлай уяач Д.Ганбаатарын зээрд халзан
2. Монгол улсын Алдарт уяач Ч.Хөвгүүний буурал
3. Улаанбаатар хотын харьяат С.Мяхлайн цавьдар
4. Төв аймгийн Баян-Өнжүүлийн Д.Нанжидын хонгор
5. Төв аймгийн Сэргэлэн сумын С.Төмөрхүүгийн хонгор айргийн таваар хурдлан 400 гаруй их насны морьдоос шалгарлаа.

 Наадамчин олныг Буянт ухаан цэнхэр дэнжид “уяж” орхидог хамгийн үзүүштэй уралдаан бол соёолон нас байдаг билээ. Соёолонгийн тоосонд орж тэр жилийнхээ од хийморийг далладаг наадамчин олныг аймгийн Алдарт уяач Ц.Цоггэрэлийн хул түрүү магнайд хурдлан баярлуулсан юм. Харин аман хүзүүнд Монгол улсын Алдарт уяач Ч.Хөвгүүний хул орсон бол Монгол улсын Манлай уяач С.Гийнаагийн хул, Монгол улсын Манлай уяач Т.Монхорын цагаан цоохор, Сэлэнгэ аймгийн Баянгол сумын уугуул Д.Хүрэлбаатарын халиун тус тус айргийн тавд ирлээ.

...Тургихад нь агийн үнэр
Туурайнаас нь газрын үнэр
Тохомноос нь хөлсний үнэр
Туг сүүлнээс нь тэнгэр үнэртдэг Монгол төрийн наадмын хурдан морьдын хязаалангийн уралдаанд:
1. Аймгийн Алдарт уяач Ч.Элбэгсайханы Элбэг  халтар
2.  Монгол улсын Тод манлай уяач Г.Батхүүгийн Зул хонгор
3. Улаанбаатар хотын харьяат Т.Батчулууны хонгор
4. Сэлэнгэ аймгийн Мандал сумын Д.Энхтайваны шар хээр
5. Улаанбаатар хотын харьяат Ц.Ганзоригийн хүрэн
Шүдлэн:
1. Монгол улсын Алдарт уяач Ч.Дугарсүрэнгийн саарал
2. Монгол улсын Манлай уяач С.Жамбалын ухаа
3. Монгол улсын Алдарт уяач Г.Нямдаваагийн халиун алаг
4. Монгол улсын Алдарт уяач Н.Гончигдоржийн Толин хүрэн
5. Улаанбаатар хотын харьяат Дэмбэрэлийн цавьдар

Ардын төрийн баяр наадмын хурдан дааганы уралдаанд Монгол улсын Манлай уяач Б.Содномцогийн Хөх саарал, Монгол улсын Манлай уяач Ц.Баастын хонгор, Монгол улсын Алдарт уяач Л.Лхүндэвийн хонгор, Монгол улсын Алдарт уяач Б.Цэрэндагвын хар, Монгол улсын Тод манлай уяач Э.Эрдэнэчулууны Том шарга тус тус айргийн таваар хурдалж байлаа.