Засаг дарга нар шударга, хариуцлагатай ажиллахаа илэрхийлэв

Сумдын Засаг дарга нарын нэгдсэн сургалтын  аймгийн Засаг дарга Б.Бадраа сумдын Засаг дарга нарыг хүлээн авч уулзан ирэх дөрвөн жилд ард иргэдийнхээ итгэлийг хүлээн ажиллах батламж болон хамтран ажиллах гэрээнд гарын үсэг зурсан юм. Энэ үеэр Засаг дарга Б.Бадраа нийт Засаг дарга нарыг нам, улс төрийн хүчин гэж хуваагдалгүйгээр зөвхөн орон нутгийнхаа хөгжлийн төлөө, сайн сайхны төлөө бүх хүчээ дайчлах ажиллах ёстойг онцоллоо.    
Сумдын Засаг дарга нарын батламж:
Миний бие орон нутагт хүн ардын эрчимтэй хөгжлийг эрчтэй урагшлуулж иргэдээ ажилтай орлоготой, эрүүл чийрэг, эрдэм боловсролтой, эрх чөлөөтэй, аюулгүй орчинтой болгохын төлөө шинэчлэлийн бодлогыг тууштай, шуурхай, шударга, хариуцлагатайгаар хэрэгжүүлэх үүднээс дараах зарчмуудыг мөрдлөг болгон ажиллахаа илэрхийлж байна.

1. Гарсан тушаал, шийдвэр олон нийтэд ил тод, нээлттэй байна.
2. Хээл хахууль, авлигын эсрэг тууштэй тэмцэнэ.
3. Орон тоог нэмэгдүүлэхгүй, цомхон чадварлаг бүрэлдэхүүнтэйгээр ажиллана.
4. Сум, орон нутагтаа шинэчлэлийн бодлогыг тууштай хэрэгжүүлж, хүнд суртлыг арилгана.
5. Улсын болон орон нутгийн төсвийн хөрөнгөөр хэрэгжиж байгаа төсөл хөтөлбөр, хөрөнгө оруулалтын үр өгөөжийг иргэдэд хүргэж ажиллана.
6. Багийн хөгжлийг дэмжиж ажиллана. Сумын хөгжлийг шинэ шатанд гаргаж ажиллана.
7. Өдөрт 10-аас дээш цагаар, амралтын өдөргүй ажиллана.
8. Бямба, Ням гараг бүрт баг иргэнд хүрч ажиллана.
9. Гадаадад албан томилолтоор жилдээ 2-оос илүү явахгүй.
10. Цаг барих зарчмыг харуу мөрдлөг болгоно.