Говь-Алтай аймгийн шилдгүүд тодорлоо

Говь-Алтай аймгийн морин спорт уяачдын холбооны тэргүүлэгчид энэ сарын 17-нд хуралдан өнгөрөгч 2012 оны ажлаа дүгнэн хэлэлцэж, тухайн жилийн  шилдгүүдээ шалгаруулсан байна.  Тус аймгийн 2012 оны шилдэг уяачаар Тайшир сумын уугуул, аймгийн Алдарт уяач  Н.Лхагвасүрэн шалгарсан бол шилдэг унаачаар сурагч Б.Буянтогтох, харин морины зүтгэлтнээр холбооны тэргүүлэгч Ш.Эрдэнэбат, шилдэг салбараар А.Түдэв тэргүүнтэй Цээл сумын “Таянгийн хурд” уяачдын холбоо,  шилдэг галаар Т.Ганзориг ахлагчтай “Морьт галуут”  гал тус тус шалгарчээ.  Түүнчлэн оны тэргүүн хүлгэдээр:
Азарга: Баян-Уул сумын уугуул аймгийн Алдарт уяач И.Буяндалайн хээр /Баян-Өлгийн даншигт  түрүүлсэн/
Их нас: Хөхморьт сумын уугуул аймгийн Алдарт уяач Т.Ганзоригийн бор морь
Соёолон: Хөхморьт сумын уугуул аймгийн Алдарт уяач Т.Ганзоригийн хээр /Баян-Өлгийн даншигт түрүүлсэн /
Хязаалан:Есөнбулаг сумын уяач Ж.Дарханбаатарын хээр
Шүдлэн:Халиун сумын уугуул, нийслэлийн Алдарт уяач Ж.Батбаатарын хээр
 Даага: Халиун сумын уугуул Т.Даваацэрэнгийн алаг тус тус шалгарчээ.
Тэргүүлэгчдийн хурлын үеэр шийдэгдсэн өөр нэгэн асуудал шинээр аймгийн Алдар уяач цолны болзол хангагчдыг тодруулах явдал байсан бөгөөд энэ дагуу
1.Баян-Уул сумын уяач Д.Атарбаян
2. Баян-Уул сумын уяач Н.Батбаяр
3.Дэлгэр сумын уяач Д.Вантайж
4.Жаргалан сумын уяач А.Ариунсайхан
5.Тайшир сумын уяач С.Алтангэрэл
6.Халиун сумын уяач О.Сандаг-Очир
7.Халиун сумын уяач А.Баатарням
8.Халиун сумын уяач Т.Даваацэрэн
9.Цээл сумын уяач Я.Алзахгүйбаатар
10.Чандмань сумын уяач П.Уртнасан
11.Шарга сумын уяач Д.Банди
12.Эрдэнэ сумын уяач Ж.Мөнхбат
13.Есөнбулаг сумын уяач С.Баярбат
14.Есөнбулаг сумын уяач Ж.Дарханбаатар
15.Тайшир сумын уяач Б.Лхагва нарыг аймгийн Алдарт уяач цолонд тодорхойлж  баяр наадам зохион байгуулах хороо, аймгийн Засаг даргадаа уламжилсан байна.

А.Мөнх-Эрдэнэ