Далай даян, дархан аварга Х.Баянмөнх

Аваргын алдар: Хорлоогийн БАЯНМӨНХ
Төрсөн он (жил): 1943(морь)
Нутаг ус: Увс аймгийн Хяргас сум(хуучнаар Дөрвөд далай хан аймаг)
Цол чимэг: Улам нэмэх, хурц гарамгай, баяр наадмын манлай, түмнээс төгөлдөр, үлэмж бадрах, улс даяар гайхамшигт, манлайн баясгалант, далай дайчин, бүхнээ дуурсгалт, тод сонин үзэсгэлэнт, бат нягт итгэлт, өнөд баясгалант, тун ч гарамгай, олныг баясуулагч, бууршгүй хүчит, үлэмж хэтэрхий, үнэхээр бишрэлт, бүхнээ сонсголонт, даяар дурсагдах, далай даян, дархан аварга
Барилдааны амжилт: Улсын наадамд 1968, 1971, 1972, 1973, 1975, 1977, 1979, 1981, 1982, 1987 онд анх 10 удаа түрүүлж, 1965, 1967, 1974 онд, мөн 1990 оны МНТ-ны 750 жилийн ойн даншиг наадамд үзүүрлэн, 1963, 1964, 1966, 1969, 1978, 1980, 1983-1985, 1988, 1989, 1991, 1992 онуудад 13 удаа шөвгөрчээ. Цагаан сарын барилдаанд 1966, 1967, 1972, 1974, 1975, 1977, 1979, 1982 онд 8 удаа түрүүлэн,  1968, 1970, 1989, 1993 онд бас 4 удаа үзүүрлэжээ. 
Гол онцлог: Олимпийн дэд аварга, чөлөөт болон самбо бөхийн дэлхийн аварга, Монгол, Орос улсын гавьяат тамирчин, Хөдөлмөрийн баатар цолтон. “Шонхор” БТДС-ийг үүсгэн байгуулагч, доктор, профессор, АИХ-ын депутат асан. Байгалиасаа бөх болж төрсөн, тэгш бие бялдартай. “ХХ зууны манлай бөх” өргөмжлөлт, хосгүй хөдөлмөрч бөх. Бас л 20-хон насандаа улсын начин заан цолыг хүртэж улсын цолтны эгнээд багтсан “хоёр Мөнх”-ийн нэг нь.
Дархан мэх: тохой сөхөж зүүн хөлд орох, хутгах, ачих

Бөх судлаач Б.Цогтбаатар