Дэлхий дээрх цорын ганц адууны театр

Таны бас бидний унадаг, уралдуулдаг морь театрт жүжиглэдэг гэвэл хэр үнэмшилтэй дуулдаж байна. Итгэхэд бэрх ч энэ үнэн шүү.
Энэ дэлхий дээрх цорын ганц адууны театрыг үүсгэн байгуулагчийг Бартабас гэдэг. Мэдээж энэ бол түүний жинхэнэ нэр биш, шоу ертөнцийнх нь нэр.  Яагаад ч юм тэрээр жинхэнэ нэрээ нууцалдаг учраас түүнийг Парисаас гаралтай цыган эр гэдгээс өөрийг мэдэх хүн цөөн. Бартабас байгал цаг уур, хүрээлэн байгаа орчинтойгоо нягт уялдаатай эцэг өвгөдийн торгон мэдрэмжийг өвлөн авч амьтныг тэр дундаа морийг ойроос мэдэрч, хайрладаг нэгэн. Тиймдээ ч 1984 онд театраа үүсгэн байгуулж, хамгийн хайртай мориороо буюу Зингаро хэмээн нэрлэжээ. /Зингаро гэдэг Цыган гэсэн үг юм/ Зингаро театрт ямар нэгэн тусгай номер, үзүүлбэр байдаггүй. Зөвхөн хүн, амьтны дотоод ертөнцийг илэрхийдэг нь үзэгчдийг гайхшруулдаг аж. Японы жүжигчин Ко Муробуши, Бартабас нар хамтран Кентаврын амьдралын харуулсан нэгэн гайхалтай тоглолтыг Лондонд тавьсан бөгөөд үзүүлбэрийн гол дүрд 12 настай Тинторе хэмээх морь тогложээ. Сэдлэрс Уэллс театрын тайзнаа тоглогдсон “Кентавр ба амьтан” тоглолтонд дөрвөн морь оролцон тоглосон байна. Төрлөх зөн зовингоо өдөр ирэх тусам алдсаар байгаа хүн төрлөхтөнд иймэрхүү тоглолт далд мэдрэмжийг нь сэргээж өгдөг бөгөөд тоглолт бүр нь хүн морь хоёрын харьцааг маш нарийн илэрхийлж чаддагаараа бусдаас ялгардаг аж. Чухам тиймээс Бартабас театрын ажилчдадаа “ Та нар өөрийн хүслээр ирж энд ажилласан. Харин эдгээр морьдыг бид сонгосон. Тиймээс бидэнд тэднийг албадах эрх байхгүй. Тэд юуны тулд үүнийг хийж буйгаа мэдэхгүй” гэж хэлдэг аж.  Морь муухан хүнээс илүү ухаантай гэдэг ч үнэн бололтой шүү.

У.Света