Намагт шигдсэн морийг аврагчид гаргажээ

Амьдрал адал явдлаар дүүрэн гэдгийг энэ хорвоод 27 жил амьдрахдаа хангалттай мэдэрсэн амьтны нэг бол Жереми юм. Жереми бол 27 настай морь. Тэрээр нэлээд хэдэн жилийн өмнө нүхэнд унаж энэ хорвоотой салах ёс гүйцэтгэж мэдэхээр байсан ч сайн эзний буянаар амь аврагдсан азтан юм. Гэвч ээлжит азгүйтэл түүнийг тойрсонгүй. Намагт унаж, хором мөч өнгөрөх тусам лагт шигдэж байсан тэрээр эзнийгээ олох хүртэл толгойноос бусад нь далд орсон байлаа. Реншоу морио харсан даруйд аврагчдыг дуудаж, тэд  тусгай бүс, уяагаар бэхлэн хөөрхий морийг гаргах ажилдаа орох нь тэр. Аврагчид арга чаргаа барж байх зуур, Жеремигийн сэтгэл санаа тавгүйдэж, малын эмчийн тусламжийг хэдэнтээ авав. Ийнхүү удтал ноц

олдсоны эцэст Жеремиг хуурай газарт гаргаж чадсан бөгөөд түүний дотны нөхөр Мисти илжиг сэтгэл санааны дэм өгөхөөр ирсэн нь тэнд байгсдыг уяраасан гэнэ. Ийнхүү Жереми аврагчид, гал сөнөөгчдийн ачаар хоёр дахиа үхлийн савраас мултарчээ.

 У.Света