“Бөртэ чоно”-ын тов гарчээ

2012 оны спортын шилдгүүдийг тодруулдаг “Бөртэ чоно” ёслолын тов гарчээ. Монголын Үндэсний Олимпийн Хорооны тэргүүн дээд шагнал гардуулах “Бөртэ чоно” ёслол 2012 оны арванхоёрдугаар сарын 20-нд болох аж.

Уламжлал ёсоор Монголын Спортын Сэтгүүлчдийн Холбоо (MSPU)-ны гишүүн, спортын сэдвээр дагнан ажилладаг сурвалжлагч, хэвлэл мэдээллийнхний саналаар оны шилдэг ТАМИРЧИН, оны шилдэг БАГ, оны шилдэг ДАСГАЛЖУУЛАГЧ-ийг тодруулах юм.

Монгол Улсын түүхэнд анх удаа таван медаль хайрласан Лондон-2012 зуны олимпийн ХХХ наадам, дэлхий, тивийн аварга шалгаруулах олон тэмцээн ар араасаа жагссан, медалийн ургац арвинтай 2012 оны хувьд шилдгүүдээс онцолж тодруулах амаргүй сонголтын санал асуулгын хугацаа арванхоёрдугаар сарын 7-17-ны хооронд үргэлжлэх юм байна.