Идэр аварга Майдарын Мөррэнчин (Дашрэнчин

Аваргын алдар: Майдарын МӨРРЭНЧИН(ДАШРЭНЧИН) 
Төрсөн он(жил): 1880-1923(луу)       
Нутаг ус: Сэцэн хан аймгийн Сүжигт гүний
хошуу(одоогийн Хэнтий аймгийн Батноров сумын Идэрмэг баг)
Цол чимэг: Улам нэмэх, үнэн хүчит, манлайн баясгалант, өрнөн дэлгэрэх, хотлоор баясгагч, бардам түрэмгий, баатар зоригт, олныг баярлуулагч, даяар үзэсгэлэнт, үнэн хүчит, үнэхээр итгэлт, цог нэмэх, цогт идэр, харилтгүй жавхлант, саруул шаламгай, тод сонин, тонж гарамгай, идэр аварга(1918 он).
Барилдааны амжилт: Даншиг наадамд 1908, 1912 онд түрүүлж аварга болж, 1907 онд үзүүрлэн арслан цол, 1906 онд шөвгөрөн начин цол хүртсэн байна. Уул тайлгын наадамд 1910, 1914 онд түрүүлж,  1913, 1919 онд үзүүрлэн, 1911, 1918 онд шөвгөлжээ.
Гол онцлог: Тэрээр өндөр гулиг биетэй, өргөн ханхар цээжтэй, гэдэн толгойтой, урт гартай, хүрэн бор царайтай эр байжээ. Сайн бөхөөс гадна алдарт уртын дууч хүн байлаа. Найр цэнгээнд сайхан дуулдаг, яриа хөөрөө нь эвлэг,  барилдахдаа их авхаалжтай,  сур сайн харвадаг хүн байжээ. Хэвт ёсны тэргүүн оны Сэцэн хан аймгийн баяр наадмын сурын харваанд 18 онож түрүүлэн онц гарамгай мэргэн цол шагнуулсан тухай, мөн наадамд дуучнаар томилогдон дуулж байсан тухай судлаач Ц.Бат-Очир гуай номондоо тэмдэглэсэн байна.
Дархан мэх: харцагадах, давуулж гуядах, тонгорох

Бөх судлаач Б.Цогтбаатар