Их Монгол Х.Шаравжамц

Аваргын алдар: Хасын Шаравжамц
Төрсөн он(жил): 1876-1955(хулгана)
Нутаг ус: Түшээт хан аймаг Далай гүний
хошуу(одоогийн Өвөрхангай аймгийн Бүрд сум)
Цол чимэг: Манлайн дэлгэрэх, тонж гарамгай, үнэн хүчит, бардан түрэмгий, хурдан гарамгай, хууринан шуугих, баатар чин зоригт, бадрангуй жавхлант, бас баярлах, олныг баярлуулагч, улам нэмэх бат суурьт, цог нэмэх, цогт идэр,  саруул хурц, сэцэн шударга, онц түрэмгий, олноор маш гайхамшигт, даян аварга(1911 он).
Барилдааны амжилт: Даншиг наадамд 1911 онд  түрүүлэн аварга цол хүртсэн, 1901 онд начин цол, 1906 онд 8 давж арслан цол авч, 1908 онд 7 давж 3 удаа шөвгөрсөн бол уул тайлгын наадамд 1907 онд шөвгөлсөн. 
Гол онцлог: Ард олондоо “Их монгол” гэж алдаршсан энэ аварга лавтайяа 2 м 30 см өндөр байсан гэдэг. Ардын хувьсгалын дараа улсын наадамд 6 удаа ирж барилдахдаа 1937 онд 2, 1943 онд 4, 1945, 1946 онд тус бүр 3 давж 1950 оны наадамд барилдалгүй хөл хянагч(хөлийн цэц)-аар ажиллаж, 1951 онд хоёр даваад зодог тайлжээ. Түүний зээ Т.Дэмбэрэлсамбуу 1980 онд улсын начин цол хүртсэн юм.

Бөх судлаач Б.Цогтбаатар