АХ-ын 89 жилийн ойн баяр наадмын хязаалан насны түрүүлж айрагдсан морьд
Түрүү магнай Хурдан халтар
Ардын хувьсгалын 89-н жил, Их Монгол байгуулагдсаны 804 жилийн ойн төрийн их цэнгэл наадмын хурдан хязаалангийн уралдаанд
“Алтай констракшн”-ы Ерөнхийлөгч Х.Бат-Эрдэнийн халтар үрээ магнайдаа тоосгүй түрүүлэн ирж наадамчин олноо баясгалаа. Халтар үрээ МУ-ын Манлай уяач Бандгаа хэмээх Ганхуягийн унаган адуу бөгөөд эцэг нь Англи Кадердины Станбул нэртэй азарга юм. Манлай уяач 1992 оны улсын наадамд айрагдсан хээр азаргандаа Төв аймгийн Баянцогт сумын гаралтай Зэгэл гүүг хураалгасан бөгөөд тэдний дундаас хонгор зүсмийн охин унага гарсан нь өнөө жилийн улс бүсийн наадмын түрүү халтар үрээний эх аж. Халтар үрээг дааганд нь Төв аймгийн Ган-Очир гэдэг залуу авсан бөгөөд шүдлэндээ улсын наадамд 20 гаргаж давхиад, Дорнодын зүүн бүсийн наадамд аман хүзүүдэж байсан хурдан буян. Хурд нь танигдсан хүлэг наадмын өмнөхөн Ган-Очироор биш Бат-Эрдэнээр овоглох болсон билээ.
“Алтай констракшн”-ы захирал Х.Бат-Эрдэнэ сүүлийн үед тогтмол өмтэй сайхан наадаж байгаа уяачдын нэг бөгөөд түүний хээр шүдлэн нь түрүү жил Баянхонгор аймагт болсон Ламын гэгээн Лувсанданзанжанцаны мэлмий гийсний 370 жилийн ойн баруун бүсийн даншиг наадамд айрагдаж байсныг морь сонирхогчид маань санаж байгаа байх. Өнгөрсөн өвөл энэ хээр үрээ, халтар үрээ хоёр их хурдан байсан бөгөөд Халтар үрээ наадмын өмнөх бүх сунгаануудад өнгөлж байсан нь эзний сэтгэлд улсын наадмын ээлжит айргийн хүлээлтийг бий болгосон бизээ. Залуу уяач хээр үрээгээ өнөө жил өнжөөн, халтар үрээгээ уясан ба МУ-ын Алдарт уяач Бат-Өлзий уяа сойлгыг нь тааруулж улсын наадам болон төрөлх нутаг Говь-Алтай аймгийн 70-н жилийн ойн баруун бүсийн даншигт түрүүлүүлээд байгаа нь энэ.
Улсын наадмын хязааланг гарааны зурхайгаас магнайдаа тоосгүй хөтөлж, тавилангийн үзүүр дээр тарласаар орж ирсэн халтар үрээг жудагтай Монгол эрс уухай хадаан угтсан юм
Аман хүзүү Манлайн хонгор
Унаган адуугаараа өмтэй сайхан наадах ховорхон “жаргалыг” амталж байгаа уяачдын нэг Төв аймгийн Батсүмбэр сумын уугуул Монгол улсын Манлай уяач Ц.Батсайхан өнөө жил өмтэй сайхан наадаж, хонгор хязаалангаа төрийнхөө наадамд аман хүзүүдүүллээ.Ардын хувьсгалын 89-н жил, Их Монгол улс байгуулагдсаны 804-н жилийн ойн баяр наадамд аман хүзүүлсэн хонгор үрээ Ц.Батсайханы унаган адуу бөгөөд шинэ цагийн Монгол адууны төлөөлөл, сүүлийн жилүүдэд тогтмол амжилттай хурдалж байгаа хурдан хүлэг юм.
Хонгор үрээ даагандаа улсын наадамд арван хэдээр давхиад хэдхэн хоногийн дараа болсон Заамарын бүсийн наадамд түрүүлж уясан эзнээ баярлуулж байсан удаатай. Өнгөрсөн жилийн улсын наадмаар уяа дутан хорь гаргаж хурдлаад, давхар уяагаар Баянхонгор аймагт болсон Ламын гэгээн Лувсанданзанжанцангийн мэлмий гийсний 370-н жилийн ойн “Хангайн бүсийн хурд-2009” уралдаанд түрүүлж, энэ цагт тодорч байгаа эгэлгүй хурдан хүлгүүдийн нэг гэдгээ наадамчин олондоо харуулсан. Энэ ч утгаараа өнөө жилийн хязаалангийн тааварт яригдаж байсан байх. Наадмын өмнөх сунгаануудад тогтмол өнгөлж байсан хонгор үрээндээ эзэн нь ихээхэн найдвар тавьж, аятайхан хөнгөрүүлээд төрийнхөө наадамд айрагдуулаад байгаа нь энэ. Бүсийн наадмын одтой гэгддэг хонгор үрээ улсын наадамд ч тэнгэртэй гэдгээ харуулж хурдан морины босоо хийморьт сүсэглэдэг түмнийнхээ, гийнгоон түрлэгт олон хурдлах болтугай.
Айргийн гурав “Үүц” хүрэн
Улсын наадмын хурдан морины уралдаанд, тэр дундаа бага насанд шинэ цагийн Монгол адуу “ноёлох” болоод багагүй хугацаа өнгөрч байна.Төрлөхийн хурдан заяат эдгээр хүлгүүдтэй эн тэнцүүхэн уралдана гэдэг бол Монгол морины шандас, шөрмөсийг шалгасан хүндхэн даваа билээ.Тэгвэл өнөө жилийн улсын баяр наадмын хурдан хязаалангийн уралдаанд “Сүмбэр” группийн Ерөнхий захирал С.Батаагийн идэрхэн Монгол хүлэг, эрлийз адуутай хүчийг үзсээр айргийн гурваар хурдлан ирж, Монгол эрчүүдийн зүрхийг огшоогоод авсан. Хүрэн үрээ С.Батаа уяачийн унаган адуу бөгөөд эцэг нь Шийтэрийн зээрд азарганы уралдаанд түрүүлж байсан Тогоруу цустай хар азарганы төл хүрэн азарга юм. Эх нь мөн л уяачийн унаган адуу.
Хүрэн үрээ даагандаа улсын наадамд 25-аар, шүдлэндээ амжилт нь урагшилж 16-аар ирж байж. Тиймээс хурдан хүлгээ гамнаж, улсын наадамд нөөсний эцэст “үүц” задарч байгаа нь энэ. С.Батаа 1995 оноос улсын наадамд тасралтгүй уралдаж, 18 жилийн дараа төрийнхөө наадмаас анхны айргаа ийнхүү авсан юм. Хурд нь тодорсон шинэ цагийн Монгол хүлгүүдтэй цэвэр Монгол адуу уралдуулж, төрийнхөө наадмаас анхныхаа айргийг авна гэдэг дуртай аавын хүүд олдоод байхгүй аз хийморь. Энэ хувь С.Батаа уяачид тохиож байгаа нь олон жилийн зүтгэл, халуун хошуут сүргийнх нь хийморь гэлтэй. Эзнийхээ удаан хүлээсэн хүслийг биелүүлсэн, эрэмгий Монгол хүлгийн уяа сойлгыг олноо Дааган хэмээн алдаршсан Цэнд-Аюуш уяач тааруулсан юм.
Айргийн дөрөв Дүү бор
“Зоос” бор хэмээх хурдан хүлгийг морь сонирхогч хэн бүхэн андахгүй. Тэгвэл өнөө жилийн улсын баяр наадмаар битүү бор хязаалан айрагдсаныг наадамчин олон “Зоос” борын дүү хэмээн ам уралдан ярьж байсан. Төрийнхөө наадмын түрүү “Зоос” Сүхбаатар зүгийн адуу бол зүсээр ижил энэхүү үрээ Дорнод зүгийн угшилтай адуу.
Бор үрээ гурав дахь үе дээрээ явж байгаа эрлийз адуу бөгөөд түүний өвөг эцэг нь цэвэр цусны азарга, Монгол гүүний дундаас гарсан нэгдүгээр үеийн эрлийз юм. Тэгэхээр бор үрээ бараг Монголжиж байгаа адуу хэмээхэд нэг их хазгайдахгүй болов уу. Бор үрээг Б.Батбаяр уяачид нутгийнх нь дүү “МТТ”-ын Тэрбиш өнгөрсөн жилийн түрүүг нь мялаан бэлэглэжээ. Түрүү соёолонгийн хишиг хурдан үрээгээ тэрээр хайртай зээдээ зүслэн өгч, хийморь юуг нь шинжсэн нь ийнхүү төрийн наадмын айргийг тасалсангүй.
Бор үрээ АХ-ын 87-н жилийн ойн улсын баяр наадамд даагандаа наймалж, шүдлэндээ есөд хурдлан, “Очирвааны хурд-2009 ” баруун бүсийн уралдаанд долоолж байсан хурдан буян юм. Өнөө жил бор үрээний уяа сойлгыг “Зоос” галын туслах уяач байсан Батболд тааруулсан бөгөөд Сэлэнгийн бүсийн уралдаанд 10-т хурдлуулаад байгаа билээ.
Алдарт “Зоос” борын халааг авч, наадамчин олноо баясгаж байгаа бор үрээг “дүү” бор хэмээн нэрлэхэд буруудах зүйл байхгүй биз ээ.
Холбоотой хоёр бор олон наадмын чимэг болж, ард түмнээ баясгах болтугай…
0 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
- Даваа, 11:59 минут Уяач Ц.Батсайхан: Гэсэрваань гуай тарган ирэн дээр…
- 3-р сарын 27 -нд Богд хан уулын аймаг байгуулагдсаны 100 жилийн ой,…
- 3-р сарын 27 -нд МУ-ын Тод манлай уяач Б.Далай: Уяачийн амжилтанд г…
- 3-р сарын 19 -нд Архангай аймгийн 100 жилийн ой, хангайн бүсийн ура…
- 3-р сарын 19 -нд 2023 оны ММСУХ-ны чансаа өндөр уяачид
- 2024 оны 3-р сарын 05 -нд 2023 ОНЫ 21 АЙМГИЙН ШИЛДЭГ УЯАЧ, УРАЛДААНЧ ХҮҮХДҮҮ…
- 2024 оны 3-р сарын 05 -нд Аймгийн Алдарт уяач Ш.Мөнхбаатар:Ах дүү дөрвүүл аа…
- 2024 оны 3-р сарын 05 -нд 2023 ОНЫ ММСУХ-НЫ 21 АЙМГИЙН ШИЛДЭГ САЛБАР ХОЛБОО,…
- 2024 оны 3-р сарын 05 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 27 -нд Манлай уяач Ч.Сугар: Алаг морийг харсан хүн болгон…
- 2024 оны 2-р сарын 27 -нд 2022 оны чансаа өндөр сонгомол дээд насны хүлгүүд
- 2024 оны 2-р сарын 26 -нд Н.Билэгтсайхан 66 оноогоор 2022 оны чансаа өндөр у…
- 2024 оны 2-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 2-р сарын 26 -нд МОНГОЛ УЛСЫН 2022 ОНЫ ӨНДӨР ЧАНСААТАЙ ИХ НАСНЫ МОР…
- 2024 оны 2-р сарын 26 -нд О.Батбилэг 73 оноогоор 2022 оны чансаа өндөр уяачд…
- 2024 оны 2-р сарын 26 -нд МУ-ын Алдарт уяач Г.Болдбаатар:Наадмын маргаашнаас…
- 2024 оны 2-р сарын 22 -нд 2022 оны чансаа өндөр азарганууд
- 2024 оны 2-р сарын 22 -нд 2022 оны МУ-ын шилдэг уяач, уралдаанч хүүхдүүд
- 2024 оны 2-р сарын 21 -нд ММСУХ-ны 2022 оны шилдгүүд шагналаа авлаа
- 2024 оны 2-р сарын 21 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 20 -нд Уяач Б.Батжаргал: Сүүлд цоохор даага даяндуулсан
- 2024 оны 2-р сарын 19 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 14 -нд Цолоо ахиулсан уяачид
- 2024 оны 2-р сарын 07 -нд Нийслэлийн Алдарт уяач цолоор 28 хүн шагнагджээ
- 2024 оны 2-р сарын 07 -нд Дөрвөн Тод, дөрвөн Манлай, 18 Алдарт уяач цол авах…
- 2024 оны 2-р сарын 07 -нд Сумын Алдарт уяач Н.ДУГАРЖАВ: БИ ДӨРӨВДҮГЭЭР АНГИА…
- 2024 оны 2-р сарын 05 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 05 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 27 -нд Сумын Алдарт уяач Д.Батбаяр: Би Биндэрт анх адуу т…
- 2024 оны 1-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 25 -нд Архангай аймгийн 100 жилийн ой, хангайн бүсийн ура…
- 2024 оны 1-р сарын 24 -нд СУМЫН АЛДАРТ УЯАЧ А.Цэрэндорж: ЗААМАРТ ДАЛАЙ ЛАМЫГ…
- 2024 оны 1-р сарын 22 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 21 -нд Аймгийн Алдарт уяач Б.Баттөр: Таван жилийн дотор с…
- 2024 оны 1-р сарын 18 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 15 -нд Аймгийн Алдарт уяач Ц.Жамсран: Өөрийн тамгатай уна…
- 2024 оны 1-р сарын 15 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 11 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 10 -нд Аймгийн Алдарт уяач М.Мөнхбаяр: Адууны төлөө уйгаг…
- 2024 оны 1-р сарын 10 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 08 -нд Сумын Алдарт уяач Ц.ГЭРЭЛБААТАР: Сайн адууны удам …
- 2024 оны 1-р сарын 08 -нд Завхан аймгийн 100 жилийн ой, баруун бүсийн урал…
- 2024 оны 1-р сарын 03 -нд Хамгийн шимт тэжээлийг мэдэх үү?
- 2024 оны 1-р сарын 02 -нд М.Энхтайван: Хүн хэдий чинээ сэтгэлээ өгнө, адуу т…
- 2023 оны 12-р сарын 27 -нд Хэнтий аймгийн 100 жилийн ой, зүүн бүсийн уралдаан…
- 2023 оны 12-р сарын 25 -нд Баахан хэрэг тарих Баяндэлгэрийн буурал
- 2023 оны 12-р сарын 23 -нд Нийслэлийн Алдарт Уяач цолны болзол хангасан уяачд…
- 2023 оны 12-р сарын 22 -нд Аймгийн Алдарт уяач Г.Энхбаатар: Аавынхаа уяаны ар…
- 2023 оны 12-р сарын 17 -нд Хэнтий аймгийн 100 жилийн ой, зүүн бүсийн уралдаан…
- 2023 оны 10-р сарын 29 -нд Сумын Алдарт уяач Л.Батноров: Азарганы түрүүгээр а…
Сэтгэгдэл бичигдээгүй байна