Манлайн баясгалант, дархан аварга О.Гэлэгсэнгэ

Аваргын алдар: Омбойн ГЭЛЭГСЭНГЭ     
Төрсөн он(жил): 1853-1913(үхэр)
Нутаг ус: Их шавь, Галын гол отог Сэцэн хан аймаг Далай бэйсийн хошуу(одоогийн Дорнод аймгийн Сэргэлэн сум)
Цол чимэг: Манлайн баясгалант, цог нэмэх, бат суурьт тонж гарамгай, улам өрнөх, чин ачит, итгэлт идэвхит, үнэн хүчит, саруул шаламгай, үлэмж хэтэрхий, маш гайхамшигт, харилтгүй жавхлант, онц түрэмгий, ашдын сайхан, даяар үзэсгэлэнт, өрнөн дэлгэрэх, тод сонин, аугаа зоригт, төв хичээнгүй, нэвтэрхий ерөөлт, өнөд төвшин, гүн ачит, улам дуурсах, далай даян, дархан аварга
Барилдааны амжилт: Даншиг наадамд 1876 онд 11, 1881 онд 10, 1884 онд 9, 1890 онд 11 давж 4 удаа түрүүлэн, 1880 онд 6, 1893 онд 6, 1899 онд 5 давж 3 удаа шөвгөлсөн ба тусгай даншигт 1879 онд 8 давж түрүүлсэн. Уул тайлгын наадамд 1877-1882 онд 6 удаа 8 даваагаар түрүүлж 1888, 1890 онд 4 давж шөвгөлсөн байна.
Гол онцлог: Сэцэн хан аймгийн Далай бэйсийн хошууны Омбай буюу Гомбо(жав) зааны хүү бөгөөд 1884 оны даншигт 9 даван түрүүлж аварга, 1890 онд дархан аварга цол хүртсэн. Хамгийн сүүлд 1904 оны даншигт ирж барилдаад өөрийн төрсөн дүү Дугар аваргад тавын даваанд унаснаас хойш хүрээнд(нийслэлд) ирж барилдаагүй байна.
Дархан мэх: судлагдаагүй

Бөх судлаач Б.Цогтбаатар