А.Мөнхбатын дээлийг тусгай оёдолчид оёдог

“Манай адуу”, “Үйзэн зээрд”, “Адуучны хийморь”  зэрэг адууны дуугаараа олонд танигдсан нэгэн бол дуучин А.Мөнхбат юм. Багын хүсэл мөрөөдөлдөө хөтлөгдсөн тэрээр зарим нэгэнтэй харьцуулахад хожуухан урлагийн ертөнцөд хөл тавьсан нэгэн. Гэсэн  ч оройхон гараад ширүүхэн дайрна гэгчээр өдгөө бол олон хит дууны эзэн болсон байх ажээ. Түүний анхны хитүүдийн нэг “Манай адуу” байсан  нь морины нутаг Сүхбаатарын хүүгийн моринд дуртай сэтгэлийг хөдөлгөж орхисон гэдэг.Түүнээс хойш тавантаа бие даасан тоглолтоо хийсэн дуучин залуу өдгөө баруун аймгуудаар тоглолтоо хийж байна. Тэрээр тав дахь тоглолтынхоо дараа “ямартаа ч бөхөөр бол начны даваагаа давчихлаа” хэмээсэн нь бий. Ямартаа начны даваагаа давсан дуучин эрхмийн дараагийн тоглолтыг тэсэн ядан хүлээх фенүүд нь олон байна.
Энд нэмж сонирхуулахад сумын заан цолтой, дуучин Мөнхбат хос морьтой нэгэн. Тэрээр бас хурдан  морины уяа сойлго тааруулах болсоор багагүй хугацаа өнгөрч байгаа. Тиймдээ ч түүний гоёлын нэгээхэн хэсгийг үндэсний хувцас эзэлдэг юм. Одоогоор гуч гаруй дээлтэй дуучны гоёлыг тусгайлан хийдэг хоёр оёдолчин байдаг гэнэ лээ.  

П.Ундраа