АВАРГА БӨХ ХЭНИЙ ХЭН БЭ

Аваргын алдар: Ренчин        
Төрсөн он(жил): 1815 оны орчим
Нутаг ус: Түшээт хан аймаг Хар дэл бэйсийн хошуу
(одоогийн Хэнтий аймгийн Галшар сум)
Цол чимэг: Дархан аварга
Барилдааны амжилт: Даншиг наадамд 1838, 1841, 1848 онд тус бүр 11 давж
3 түрүүлэн, 1836 онд 8(харцага цол), 1844 онд 6 давж хоёр шөвгөлсөн ба
тусгай даншигт 1843, 1851 онд  тус тус 10 даван түрүүлж, 1844 онд 5 давж
шөвгөлсөн. Уул тайлгын наадамд 1843 онд 8 даван түрүүлж 1838, 1844 онд
6 давж шөвгөлсөн байна.
Гол онцлог: Галшараар нутагтай энэ бөх Сэцэн ханы Мин засгийн Гомбожав арсланг гурав дараалан дийлж нэрд гарсан бөгөөд жирийн цагт эгэл нэгэн боловч сэтгэл хөдлөх, уур хүрэх зэрэг үедээ хэнд ч юунд ч дийлдэшгүй агуу их тэнхээ нь гарч, ялах гэснээ заавал ялдаг шартай бөх байсан тухай яриа нутагт нь үлдсэн байдаг. Ринчин аварга хоол ундаа тохируулан хэрэглэдэг, бие том боловч хөдөлгөөн хурдан, угсраа мэх хийж шуурхай барилддаг бөх байжээ. Түгээмэл элбэгтийн 2-р(1852) оны даншиг Жавзандамба хутагтын YII дүр тодорсны баяр наадамд хоёр давсан Ринчин дархан аваргад таван газраас(халх 4 аймаг, шавь) тус бүр нэжгээд мориор шагнасан байна.
Дархан мэх: хөлд орох, суйлах, тонгорох зэрэг угсраа мэхтэй
Зураг: зурмал Хэнтий

Бөх судлаач Б. Цогтбаатар